Genesis 19:1 - Yak'usda Ooghuni

¹ ꞋEt hulhgha nyoonne lizas nane Sodom tsꞌe hoozꞌaz. Lot Sodom dati-un ꞌet usda, Lot hubutilhꞌen dudinya ꞌinkꞌez bubut nachaniti.

Genesis 19:1 Iomraidhean Croise

Genesis 11:27

ꞋEt Terah tsꞌu haindene: ꞌenne Abram, Nahor ꞌinkꞌez Haran. Haran ꞌen Lot ooyeꞌ suliꞌ.

Genesis 13:12

Abram ꞌen Canaan keyoh ꞌet nenina ꞌinkꞌez Lot ꞌen keyoh whuti duchun hooloh-un ꞌinkꞌez ꞌet nimbali neninꞌai Sodom whutsꞌun.

Genesis 18:16

ꞋEt dune dunahudidil ꞌinkꞌez Sodom keyoh tsꞌe whuz hunilhꞌen, ꞌinkꞌez Abraham ꞌon ꞌun bubulh nunatitꞌus ha bubulh tizꞌaz.

Genesis 18:22

ꞋEt nyoonne dune lhtꞌanahunistꞌaz ꞌinkꞌez Sodom tsꞌe hutizꞌaz, ꞌet Abraham ꞌawhuz Moodihti (Yahweh) yubut usyin.

Genesis 19:10

ꞋEt hoontsꞌi nyoonne dune nane ꞌaz tehudilni ꞌinkꞌez Lot danahinilhtsus ꞌinkꞌez danaꞌ hudintan.

Genesis 19:2

ꞋInkꞌez ꞌutni, “Njan whunulhꞌen smoodihne nohba ꞌutꞌen-un ooyoh tsꞌe uhꞌus ꞌinkꞌez ꞌulhdzis ꞌet oohtez sih ꞌinkꞌez nohke tunaoohgus ꞌinkꞌez bundadaꞌ ꞌudaꞌ cho duduhꞌaz ꞌinkꞌez sih toohꞌas.” ꞋEt ꞌuhuyulhni, “ꞋAwundooh ꞌet hoontsꞌi ꞌandit ꞌulhdzis ꞌet ꞌaz uztitez.”

Genesis 23:12

ꞋEt Abraham tsꞌiyawh yun kꞌut whutꞌenne bubut nachanitno,

Genesis 48:12

ꞋEt Joseph dugwut zih uzyin whuz de habalhti ꞌinkꞌez soo yun tsꞌe nenintꞌai yubut nachaninti.

Luke 17:28

ꞋInkꞌez Lot ꞌen khuna daꞌ whuz unꞌa ꞌet dúhooja. ꞋEt tsꞌiyanne ꞌuhaꞌalh ꞌinkꞌez tahunutnai. ꞋOohooket ꞌinkꞌez ꞌeꞌ hooket. ꞋAꞌhunule ꞌinkꞌez yoh ꞌuhuwhulhꞌen chaꞌ hutꞌen.

Hebrews 13:2

Mbene whutsodaꞌ lhuzihꞌenne, hoonáhtꞌiꞌ whe nohyoh dáboohlelh. Whulohne lizasne tilah ꞌuhintꞌoh ꞌaw tꞌeoonuzahzun ꞌet huwa.