Genesis 18:6 - Yak'usda Ooghuni

⁶ ꞋEt Abraham nimbali tꞌah tsꞌe Sarah yughulgai ꞌinkꞌez ꞌuyulhni, “Soo ꞌa tawh ꞌultsuk-i lhes, ꞌi lhadinleh ꞌinkꞌez nilhtlus ꞌinkꞌez ilhtꞌes.”

Genesis 18:6 Iomraidhean Croise

Genesis 18:5

ꞋInkꞌez ꞌet ꞌutꞌalh-iyaz nohba ha óoslelh, ꞌet sih nohyustꞌe naóolhyis. ꞋEt hukwꞌelhꞌaz sih ꞌoya lhohdilh. Ntsꞌenꞌa nohba ꞌutꞌen-un tsꞌun hahya ꞌet.” ꞋEt ꞌuhuyulhni, “Daja datanelh-un, ꞌet dineh.”

Genesis 18:7

ꞋEt Abraham khuna-i yughulgai ꞌinkꞌez musdoosyaz soo unzoo-i yilhchoot ꞌinkꞌez chilhyaz ꞌen yutlꞌa yalhti ꞌinkꞌez soo ꞌahoh lhai dutileh ha yilhchoot.

Genesis 19:3

ꞋEt tube cho ꞌubulhni, ꞌet huwa hiyoh highu daninꞌaz ꞌinkꞌez hiyuꞌalh-i bugha ninꞌai ꞌutꞌalh-i bulh yuntuldoh-i yit ꞌinkꞌez ꞌi cha bubaꞌ yinla ꞌinkꞌez ꞌuhanꞌal.

Matthew 13:33

Doo cha ꞌuyoo khuni be nawhutnuk-i be whutsꞌodulꞌeh-i, ꞌi be bubulh yalhduk whe njan dúbulhni: “Yakꞌuz lerwe ꞌuhuhoolhdzun-un, lhes ntuldoh-i ndultꞌoh. Tsꞌeke yílhchoot ꞌinkꞌez lhes nudzaih-i, ta tsetsꞌai be úndeꞌooldzih-i dizbun. ꞋI ntuldoh-i bulh ꞌilho be yándzai, ꞌinkꞌez yunilhtlus. ꞋEt hukwꞌelhꞌaz ꞌudun neíninkai whe untílhdo.”

Acts 16:15

ꞋEt didut ꞌinkꞌez hiyoh dilhtsꞌíne ookꞌekoone tsꞌiyawh too beꞌ hulya. ꞋEt hukwꞌelhꞌaz neghu nusuya, “NeMoodihti soo cho ootꞌa nunistan-un nohba ꞌalha ꞌuhoontꞌoh de, ꞌanih syoh tsꞌe szih dulhtsꞌi,” neyúlhni ꞌinkꞌez ꞌilhiz netsꞌulhéꞌditsꞌil ꞌinka bulh úztizdil.

Romans 12:13

Mbene la Yakꞌusda oochꞌeꞌne ꞌen dunidzítne, ndai la ꞌuhtꞌí-i whuloh be bula ꞌuhtꞌen. ꞋAhoolhyiz huba nohyoh ꞌudun udólhtan.

Galatians 5:13

Sulhutsinke Moses be ꞌudustlꞌus hikꞌúneꞌ ꞌustꞌenne oola naditnine ꞌahli whé ꞌahtꞌoh. ꞋEt hoontsꞌi ꞌaw ꞌilhoghun za nohba whuzꞌai. Ndi whe oola naditni-un ꞌet whahtꞌi, ꞌet hoontsꞌi soo cho khohdleꞌ. Nohyustꞌe nintaꞌtitꞌelh-un, ꞌet whutsꞌu níntꞌi de, ꞌet hólhchoot junih! ꞋEt kꞌus be nékꞌetsꞌinsiꞌ-i, ꞌi be lhba neꞌóohtꞌen.

Hebrews 13:2

Mbene whutsodaꞌ lhuzihꞌenne, hoonáhtꞌiꞌ whe nohyoh dáboohlelh. Whulohne lizasne tilah ꞌuhintꞌoh ꞌaw tꞌeoonuzahzun ꞌet huwa.

1 Peter 4:9

Nohdzi hoontꞌiꞌ whe dune nohyoh bez tsꞌe tsꞌu daóohzooꞌ.