Genesis 18:16 - Yak'usda Ooghuni

¹⁶ ꞋEt dune dunahudidil ꞌinkꞌez Sodom keyoh tsꞌe whuz hunilhꞌen, ꞌinkꞌez Abraham ꞌon ꞌun bubulh nunatitꞌus ha bubulh tizꞌaz.

Genesis 18:16 Iomraidhean Croise

Genesis 18:15

ꞋEt Sarah ꞌawundooh ni, “ꞋAw lhuzusdloh,” whe nuljut. ꞋInkꞌez Moodihti (Yahweh) ꞌuyulhni, “ꞋAwundooh, indloh inleꞌ!”

Genesis 18:2

Ndo yutanꞌen ꞌinkꞌez yutilhꞌen, tane dune yuzih nudilhya whe butilhꞌen. Nimbali dati tsꞌe dudilgai ꞌinkꞌez bududilhgai ꞌinkꞌez soo yun tsꞌe bubut nachaniti.

Genesis 18:22

ꞋEt nyoonne dune lhtꞌanahunistꞌaz ꞌinkꞌez Sodom tsꞌe hutizꞌaz, ꞌet Abraham ꞌawhuz Moodihti (Yahweh) yubut usyin.

Genesis 19:1

ꞋEt hulhgha nyoonne lizas nane Sodom tsꞌe hoozꞌaz. Lot Sodom dati-un ꞌet usda, Lot hubutilhꞌen dudinya ꞌinkꞌez bubut nachaniti.

Acts 15:3

ꞋEt ꞌawet Jesus Christ gha ꞌilhozdílne, whelꞌaꞌne whe bahalhꞌaꞌ. ꞋEt Phoenicia ꞌinkꞌez Samaria whutulhuhúzꞌaz whe ꞌudun yun kꞌut whutꞌenne dahúja Yakꞌusda tsꞌu náhulhya ꞌubuhútni whe tube cho ndunne Jesus Christ kꞌúneꞌ ꞌutꞌenne huhóontꞌiꞌ suliꞌ.

Acts 20:38

“ꞋAw ꞌon ꞌat nasulhtuzihtꞌel,” ꞌubulhni whe bubulh yaílhduk ꞌet huwa tube cho budzi únduda ꞌinkꞌez tsꞌi ustan whutsꞌun huyúlh nunahusdil ꞌinkꞌez kꞌenahidilꞌen.

Acts 21:5

ꞋAwet buzih lházduja, bugho whenátsꞌidil ꞌinkꞌez naztisdil whe tsꞌiyawh duꞌatkoo te ꞌinkꞌez duzkeh te nebulh lhunahusdil whe keyoh whuchꞌa natsꞌusdil. Taba ꞌet negwutsi be néznindil ꞌinkꞌez tenazdidli.

Romans 15:24

Ndet la Spain yun kꞌut tsꞌu tisya de, ꞌatsul wheni nohtsꞌú nutisyalh. Whuz nusya de, ꞌet hukwaꞌ nuhzun de, ꞌet la ꞌon ꞌun tisyalh huba sla ꞌoohneh.

3 John 1:6

ꞋEnne ꞌuhintꞌoh ntsꞌenꞌa bukꞌensiꞌ, Yakꞌusda ba ꞌilhunaoodulhne, ꞌenne butsꞌun nkꞌunahuwhulnuk. Yakꞌusda hootátꞌeꞌ hukwꞌunꞌa hutidulh tsꞌe whébilhꞌaih de, ꞌet tube soo ꞌintꞌen whe ꞌintꞌen.