Genesis 18:1 - Yak'usda Ooghuni

¹ ꞋEt Moodihti (Yahweh) ꞌen Abraham yunalh hainya, njan ndun Mamre, duchun tꞌah terebinth, oak huyulhni, whuꞌiz whunilghaz whe nimbali dati ꞌet usda.

Genesis 18:1 Iomraidhean Croise

Genesis 12:7

ꞋEt Moodihti (Yahweh) Abram yunalhtsꞌet hainya ꞌinkꞌez ꞌuyulhni, “Mbene la ntsꞌu haindene ꞌenne ndi yun bugha ítasꞌalh.” ꞋEt Moodihti (Yahweh) yunalhtsꞌet hainya-un ꞌen yutsꞌun loodel ꞌinla.

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 14:13

ꞋEt ꞌilhoghun nintanalgai-un whe Abram, Hebrew whutꞌen-un, ghu ninya ꞌinkꞌez yulhni. Abram ꞌen njan duchun, oak hiyulhni, ꞌet whutꞌi. Ndi duchun ꞌi ndun Amor whutꞌen, Mamre ꞌintꞌoh, ꞌen ye ꞌuntꞌoh-i ꞌuntꞌoh. Boono Eshcol ꞌinkꞌez boono Aner ꞌen, Abram hitsꞌu dutni ꞌuhintꞌoh.

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 17:22

ꞋEt yulh yalhduk-un ꞌetsul ꞌudija ꞌinkꞌez Yakꞌusda (Elohim) ndo whe naja.

Genesis 18:22

ꞋEt nyoonne dune lhtꞌanahunistꞌaz ꞌinkꞌez Sodom tsꞌe hutizꞌaz, ꞌet Abraham ꞌawhuz Moodihti (Yahweh) yubut usyin.

Genesis 20:1

ꞋInkꞌez Abraham ꞌet whe dinya whe nyan wheinya, Kadesh ꞌinkꞌez Shur bulh ꞌet whulheguz ꞌet hootꞌeꞌ, ꞌinkꞌez Gerar howhutni whuz cha whuloh te whutꞌi.

Genesis 26:2

ꞋEt Moodihti (Yahweh) yunalhtsꞌet hainya ꞌinkꞌez ꞌuyulhni, “ꞋAw Egypt tsꞌu tonyaꞌ junih. Ndet la yun nyudutasnelh-un ꞌet sih hontꞌeꞌ.

Genesis 35:27

ꞋEt Jacob, dubá Isaac, yughu ninya. Mamre kꞌut Kirjath Arba huwhutni, (Hebron ꞌuhoontꞌoh), ndet la Abraham ꞌinkꞌez Isaac bulh huhootꞌen-un.

Genesis 48:3

ꞋEt Jacob, Joseph ꞌuyulhni, “Yakꞌusda ꞋUkꞌenus ꞋUltus-un ꞌustꞌoh (El Shaddai) snalhtsꞌet hainya Canaan whuyun kꞌut Luz whe ꞌinkꞌez soo hoonzoo-un stsꞌun tizooꞌ.

Acts 7:2

ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.

Hebrews 13:2

Mbene whutsodaꞌ lhuzihꞌenne, hoonáhtꞌiꞌ whe nohyoh dáboohlelh. Whulohne lizasne tilah ꞌuhintꞌoh ꞌaw tꞌeoonuzahzun ꞌet huwa.