Genesis 17:7 - Yak'usda Ooghuni

⁷ ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.

Genesis 17:7 Iomraidhean Croise

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 17:13

Mbe la nyoh whuzdline ꞌinkꞌez mbe la sooniya be ohketne, tsꞌiyawh ka dune unli-un hubotitꞌus, ndi sghuni ntsꞌun lhadusla-i nus whe lhkꞌelhꞌaz te ꞌet ndi ꞌi gha ꞌilhiz wheni be hoodutahtꞌen.

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 6:18

ꞋEt hoontsꞌi nyun ntsꞌun sghuni ntlꞌa dutisꞌalh. ꞋInkꞌez ndi tsꞌi cho bez tonyaꞌ, nyun, nyeꞌke, nꞌat, ꞌinkꞌez nyeꞌkeh buꞌatke cha, ꞌen dulh ꞌúbolneh.

Genesis 9:16

Ditni kwun ꞌi kwꞌus toh hoonli de ꞌi nusꞌen de ꞌet whunatiznih, ꞌilhiz wheni ndi khuni Yakꞌusda (Elohim) ꞌinkꞌez ndi yun kꞌut hoonli-i ꞌusjiz-i tsꞌiyawh khuni nohba lhadúsla, oonatiznih.”

Matthew 22:32

‘Si Abraham, Isaac, ꞌinkꞌez Jacob, buYakꞌusda ꞌustꞌoh.’ ꞋAw yaidlane buYakꞌusda iloh ꞌuntꞌoh. Khunane buYakꞌusda unli ꞌet huwa.”

Mark 10:14

ꞋEt Jesus whunalhꞌen whe whutsꞌu dutni ꞌinkꞌez yugha hodulꞌehne ubúlhni, “Whute tsꞌoodunne stsꞌó toodilh. Khun te dah budóhniꞌ junih. Yakꞌusda whe lerwe unli-un whuz dilhtsꞌine, tsꞌoodunneyaz duhúltꞌoh wheꞌ hintꞌoh.

Acts 2:39

Mbene la Yakꞌusda neMoodihti bukaꞌ dutinelhne, ꞌilhone ꞌahli whe Ndoni nohtsꞌú yoozi inleꞌ, nohuzkeh cha ꞌinkꞌez nilhzaꞌ yun kꞌut whutꞌenne, ꞌenne hoontsꞌi.”

Romans 9:4

Israel ootsꞌu haindene Yakꞌusda ꞌutahábanla duduneꞌ hooleꞌ ha. ꞋEnne ꞌuhintꞌoh Yakꞌusda budálhtiꞌ ꞌinkꞌez butsꞌú nahizya-un, ꞌet buba nahoosdzi. ꞋEnne ꞌuhintꞌoh Moses be ꞌudustlꞌus butlꞌa ídanꞌai ꞌi be Yakꞌusda tsꞌihꞌun unꞌa hiba ꞌootꞌen ha.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

Hebrews 11:16

ꞋEt hoontsꞌi ꞌon nus keyoh hoonzoo-un hukwaꞌ huninzun. Njan keyoh ꞌuwhúlhni-un, ꞌet yakꞌuz whuzꞌai. ꞋEt huwa Yakꞌusda ꞌen duYakꞌusda hidániꞌ. ꞋInkꞌez Yakꞌusda ꞌen duYakꞌusda huyulhni, ꞌet ꞌaw hukwaya lhiloh, keyoh whuti ꞌet buba lhaóodinla ꞌet huwa.

Hebrews 8:10

ꞋInkꞌez hukwꞌelhꞌaz Israel buzkehke ꞌandidi-i, ꞌi khuni buba lhaídutisdle. Nus de, ni neMoodihti, sghuni bubeni táwhudutasdlelh, ꞌinkꞌez budzi kꞌut cha ꞌukꞌehóotasgus. ꞋInkꞌez si buYakꞌusda tisdleh, ꞌinkꞌez ꞌenne sduneꞌne hutileh.