Genesis 17:5 - Yak'usda Ooghuni

⁵ ꞋAw ꞌon ꞌun Abram lhunyodutasnelh, nyooziꞌ Abraham nyo dutanelh, lhelhtsꞌun whutꞌenne didoh lhane ꞌenne bubá nyuzusi ꞌet huwa.

Genesis 17:5 Iomraidhean Croise

Genesis 17:15

ꞋEt Yakꞌusda (Elohim) Abraham ꞌuyulhni, “Nꞌat Sarai dini-un ꞌet ꞌetsul ꞌudonih ꞌinkꞌez Sarah ꞌi booziꞌ tileh.

Genesis 32:28

ꞋEt ꞌutni, “ꞋAw nyooziꞌ ꞌon ꞌun Jacob lhunyodutasnel. Israel nyo dutanelh. Yakꞌusda (Elohim) ꞌen bulh nulhuziltiꞌ, dune cha, ꞌinkꞌez ꞌenne buchꞌaꞌ nilhde.”

Genesis 32:29

ꞋEt Jacob yoodulhkut, “Ntsꞌu tedusdlih, nyooziꞌ ꞌi sudini?” ꞋInkꞌez ꞌet ꞌutni, “Di ha sooziꞌ ꞌi ookaꞌ oodilhkut?” ꞋInkꞌez ꞌawet whe soo hoonzoo-un oogha whultsꞌut.

Genesis 35:10

ꞋInkꞌez Yakꞌusda (Elohim) ꞌuyulhni, “Nyooziꞌ Jacob tsꞌutni, ꞌaw ꞌon ꞌun Jacob be ntsꞌiyoziꞌ ꞌaitꞌoh, Israel ꞌi nyooziꞌ tileh.” ꞋEt whe booziꞌ ꞌi Israel yulhni.

John 1:42

ꞋInkꞌez Jesus ꞌen yughu inílhti. Jesus yunalhꞌen ꞌinkꞌez ꞌuyulhni, “Nyun Simon Jonas ooyeꞌ ꞌen ꞌintꞌoh, ꞌet hoontsꞌi Cephas nyuhudutánelh,” yúlhni. (Ndi Cephas ꞌi Peter ꞌi za ꞌuntꞌoh ꞌinkꞌez ꞌi tse ni whe ꞌutni.)

Romans 4:17

Yakꞌusda ooghuni ꞌukꞌéguz-i Yakꞌusda Abraham ndúyúlhni, “Dune lhelhdoh didohne butso whudilhdzulh-un nyuzúsi.” ꞋEt huwa Yakꞌusda Abraham lhelhdoh didohne butso whudilhdzulh-un unli yuba léꞌuntꞌoh. Yakꞌusda yutsꞌú hoozi-un ꞌaw lhuwhúsni ꞌuyulhni, ꞌet hoontsꞌi tsꞌihꞌun unꞌa ꞌuhooja kꞌunꞌa ooba ꞌálhaꞌ hoontꞌoh. Yakꞌusda ꞌen ꞌuntꞌoh ꞌen gha yaidláne cha za huhuna, ꞌinkꞌez ndai la ꞌuyínla-i musai be ꞌuyínla.

Revelation 2:17

Mbe la ꞌuditsꞌone, Ndoni Yakꞌusda ba ꞌilhunaoodulhne, daja ꞌubulhni, huyoozólhtsꞌaiꞌ hubaꞌ hoontꞌoh. Mbene ꞌutꞌen ntsiꞌ-i yuchꞌaꞌ ꞌulhdene, ꞌenne ndi ꞌutꞌalh-i manna huyúlhni-i, ꞌi dune buchꞌa ntistꞌi-i, ꞌi whuloh bugha ítasꞌalh. ꞋInkꞌez tse dulyul-i cha bughá ntasꞌalh. ꞋInkꞌez ndi tse ookꞌut ꞌandidi ooziꞌ ꞌi ookꞌeitáguz. ꞋAw dune booziꞌ tꞌehinuszun. Ndun oogha ídiltsꞌut-un, ꞌen za tꞌeyuntázin.”