Genesis 17:2 - Yak'usda Ooghuni

² ꞋInkꞌez sghuni nyun, si bulh lhadutalneh ꞌinkꞌez ꞌonus lhane cha tihleh.”

Genesis 17:2 Iomraidhean Croise

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 15:5

ꞋEt nꞌaz teinilhti ꞌinkꞌez ꞌuyulhni, “Ndo yakꞌuz tsꞌe whunilhꞌen sum hoolhto hukwa soo tila holhto.” ꞋInkꞌez ꞌet ꞌuyulhni, “Mbene la ntsꞌu haindene ꞌet ꞌuhutiltsuk.”

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Genesis 28:3

Yakꞌusda ꞋUkꞌenus ꞋUltus-un ꞋUstꞌoh (El Shaddai) soo cho ncha mba hoonzoo-un ngha hóotaltsꞌulh ꞌinkꞌez lhane hooleh dune huldlaine oohleh.

Genesis 9:9

“ꞋEt si whunulhꞌen sghuni ꞌi bulh ꞌi nohbulh lhadusla. Mbene la nohtsꞌu haindene nohkꞌelhꞌaz ꞌenne cha.

Romans 9:4

Israel ootsꞌu haindene Yakꞌusda ꞌutahábanla duduneꞌ hooleꞌ ha. ꞋEnne ꞌuhintꞌoh Yakꞌusda budálhtiꞌ ꞌinkꞌez butsꞌú nahizya-un, ꞌet buba nahoosdzi. ꞋEnne ꞌuhintꞌoh Moses be ꞌudustlꞌus butlꞌa ídanꞌai ꞌi be Yakꞌusda tsꞌihꞌun unꞌa hiba ꞌootꞌen ha.