Genesis 17:16 - Yak'usda Ooghuni

¹⁶ ꞋInkꞌez soo hoonzoo-un ooba whutiselh ꞌinkꞌez duneyaz ꞌen mba nyaz tileh. ꞋInkꞌez ꞌen soo hoonzoo-un ooba whutiselh ꞌinkꞌez ndoh hidoh ꞌenne buloo tileh, ꞌinkꞌez lerwene cha hitsꞌu ha tidoh.”

Genesis 17:16 Iomraidhean Croise

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 15:4

ꞋEt whunilhꞌen, Moodihti (Yahweh) ooghuni weidiltsꞌut ꞌutni, “Ndun ꞌaw nkꞌelhdutisyal whe ꞌuntꞌoh nyustꞌe tsꞌu hainzut-un ꞌen nkꞌedutiyalh.”

Genesis 17:15

ꞋEt Yakꞌusda (Elohim) Abraham ꞌuyulhni, “Nꞌat Sarai dini-un ꞌet ꞌetsul ꞌudonih ꞌinkꞌez Sarah ꞌi booziꞌ tileh.

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 17:6

Soo tsꞌihꞌun lhane ntsꞌu ha kedande nyutiselh, lhelhdoh didohne dune nyutiselh, lerwene ꞌenne hoontsꞌi ntsꞌu ha hande tileh.

Genesis 21:1

ꞋInkꞌez Moodihti (Yahweh) ꞌen Sarah yughu ninya ꞌet whe ndutínelh ni daꞌ, ꞌinkꞌez Moodihti (Yahweh) ꞌen Sarah ba nduja, ntsꞌe datni ꞌet.

Genesis 24:60

ꞋInkꞌez Rebekah soo hoonzoo-un hiba tenadidli ꞌinkꞌez ꞌuhuyulhni, “Neulhtus, lhez te whunizyai lhkꞌuz te (100,000,000) dune buloo ꞌonleꞌ sih ꞌinkꞌez ntsꞌu haindene mbene la butsꞌu dutnine hukwuti-un dati ꞌi himoodih ooleꞌ.”

Genesis 25:23

ꞋEt Moodihti (Yahweh) ꞌen Rebekah ꞌuyulhni, “Nawh didohne ꞌenne nchan ꞌuhintꞌoh. Nawh didohne ꞌenne hubutalhtsi, ꞌilhoh didoh-un ꞌen onghun-un ha nus ulhtus, ꞌinkꞌez ꞌudetso whutileh-un ꞌen dukꞌoh-un yuba neꞌtitꞌen.”

Genesis 35:11

ꞋInkꞌez ꞌet cha Yakꞌusda (Elohim) ꞌuyulhni, “Si Yakꞌusda ꞋUkꞌenus ꞋUltus-un (El Shaddai) ꞌen ꞌustꞌoh. Lhai cho ntsꞌu ha ookat ꞌinkꞌez lhai cho ooleꞌ didohne ꞌinkꞌez dune didohne tsꞌiyawh ꞌenne ntsꞌu ha hutidoh, ꞌinkꞌez lerwene ꞌenne nyustꞌe tsꞌu ha hutidulh.

Genesis 36:31

ꞋEt ndunne ꞌenne lerwene Edom yun kꞌut ꞌet hudaltsꞌiꞌ, ꞌaw Israel buzkeh whutsodaꞌne bulerwe hooloh.

Romans 9:9

Yakꞌusda Abraham yutsꞌu náhizya, “Ndet la hoozúsi-un ꞌet whusanátisdalh ꞌinkꞌez nꞌat Sarah dune ooyaz tileh,” yúlhni.

Galatians 4:23

ꞋEt hoontsꞌ ndun tsꞌeke ꞌustle-un ooyaz, ꞌen neyustꞌe kꞌoh tsꞌe whuzdli. ꞋEt hoontsꞌi tsꞌeke ꞌustle-un lhiloh ooyaz, ꞌen Yakꞌusda Abraham yutsꞌú hoozi, ꞌet hukwꞌunꞌa whuzdli.

1 Peter 3:6

Whuz unꞌa za Sarah Abraham yukꞌuneꞌ ꞌustꞌen whe, “Smoodih” yulhni. Nohni cha ooyatseꞌke ulhi ꞌaw whelhnulhjut whe ꞌutꞌen unzoo-i ꞌulhꞌen de, ꞌet de nohni cha Sarah kꞌunꞌa ꞌutihtꞌelh. ꞋAw hoonli whelhnujut de.