Genesis 17:13 - Yak'usda Ooghuni

¹³ Mbe la nyoh whuzdline ꞌinkꞌez mbe la sooniya be ohketne, tsꞌiyawh ka dune unli-un hubotitꞌus, ndi sghuni ntsꞌun lhadusla-i nus whe lhkꞌelhꞌaz te ꞌet ndi ꞌi gha ꞌilhiz wheni be hoodutahtꞌen.

Genesis 17:13 Iomraidhean Croise

Genesis 14:14

ꞋEt Abram bulhutsin Lot huyulhna huyulhni whe duduneꞌne 318 ꞌenne hodilꞌeꞌne yuba ꞌutꞌenne, Abram hiyoh whuzdline, ꞌenne buba untizyoot keyoh Dan whutsꞌun.

Genesis 15:3

ꞋEt Abram ꞌutni, “Whunilhꞌen ꞌaw suzkeh sghalhinlel. Mbe la syoh whuzdli-un ꞌen skꞌedutiyalh-un tileh.”

Genesis 17:7

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.

Genesis 37:27

ꞋAnih nyoonne Ismael whutꞌenne ꞌaz de ꞌudulhne, ꞌenne be butsꞌeꞌ tsꞌoket, ꞌaw kwꞌelhtsꞌudolhni, neulhutsin ꞌuntꞌoh, ꞌinkꞌez neyustꞌe cha unli.” ꞋEt bulhutsinke huyoozalhtsꞌaiꞌ.

Genesis 37:36

ꞋEt nyoonne Median whutꞌenne, yun kꞌut Egypt tsꞌe, nyoon Potiphar huyulhni, ꞌen tsꞌun huye ꞌonket. ꞋEn Pharaoh lhuganne moodih, nyo huwunline bumoodih cha unli.

Genesis 39:1

ꞋAndit whe Joseph ntsꞌun Egypt tsꞌe whehiyalhti, ꞌinkꞌez Potiphar, ꞌen budayi cho Pharaoh lhuganne ꞌen huba neꞌduniꞌ, ꞌen ꞌilhoghun bumoodih unli, ꞌen Egypt whutꞌen ꞌen yonket. Ishmael whutꞌenne tsꞌun ꞌen ntsꞌun whehuyalhti.

Genesis 9:16

Ditni kwun ꞌi kwꞌus toh hoonli de ꞌi nusꞌen de ꞌet whunatiznih, ꞌilhiz wheni ndi khuni Yakꞌusda (Elohim) ꞌinkꞌez ndi yun kꞌut hoonli-i ꞌusjiz-i tsꞌiyawh khuni nohba lhadúsla, oonatiznih.”

Matthew 18:25

ꞋEt hoontsꞌi yukꞌelha yoolhtselh-i hooloh. ꞋEt lerwe dughuni be ꞌuyulhni; dune, ooꞌat, buzkeh, ꞌinkꞌez yutꞌi-i cha, tsꞌiyawh be ꞌóket. ꞋEt de ooba ꞌukꞌelha whutaleh.