Genesis 16:8 - Yak'usda Ooghuni

⁸ ꞋInkꞌez ꞌuyulhni, “Hagar, Sarai ba ꞌutꞌen-un, ntsꞌez de hainya ꞌinkꞌez ntsꞌe tinya whe ꞌintꞌen?” ꞋEt ꞌutni, “Sarai smoodih ooba ꞌustꞌen-un oochꞌa tsꞌe tisya whe ꞌustꞌen.”

Genesis 16:8 Iomraidhean Croise

Genesis 16:1

ꞋEt Sarai, Abram ooꞌat ꞌaw buzkeh hooloh inleꞌ, Egypt whutꞌen tsꞌeke yunat neꞌutꞌen-un Hagar huyulhni ꞌen yutꞌi.

Genesis 16:4

ꞋEt Hagar tꞌeinanzin ꞌinkꞌez ulchan. ꞋEt ulchan tꞌeoonanzin, nyoon tsꞌeke yuba ꞌutꞌen-un ooba yintsiꞌ suliꞌ.

Genesis 16:9

ꞋEt Moodihti (Yahweh) oolizas ꞌuyulhni, “Ooba ꞌintꞌen-un ootsꞌun naindalh ꞌinkꞌez ntsꞌe hukwaꞌ ninzun-un kꞌunꞌa neꞌnyoolhꞌen si.”

Genesis 21:17

ꞋEt Yakꞌusda (Elohim) ndun tsꞌoodun ꞌutso yuduztsꞌai. ꞋEt whe Yakꞌusda (Elohim) oolizas ꞌen Hagar yutsꞌun huyih yakꞌuz tsꞌun, ꞌinkꞌez ꞌuyulhni, “Hagar, dainja whe ꞌudini? ꞋAw whenilhjut iloh! Yakꞌusda (Elohim) ndun duneyaz yudantsꞌo whe ꞌuntꞌoh.

Genesis 3:9

ꞋEt Moodihti Yakꞌusda (Yahweh Elohim) Adam ha hizya ꞌinkꞌez ꞌuyulhni, “Ntsꞌe ꞌintꞌoh”.

Genesis 4:10

ꞋInkꞌez ꞌutni, “Ntsꞌenꞌa dainja? Yun whutsꞌun nyulhutsin buzkaiꞌ stsꞌun huyih.