Genesis 16:3 - Yak'usda Ooghuni

³ ꞋEt Sarai, Abram ooꞌat yuba neꞌutꞌen-un Hagar ilhchoot, Egypt whutꞌen-un unli ꞌinkꞌez duki yugha inilhti, yuꞌat ooleꞌ ha. ꞋEt Abram whunizyat yus kꞌut (10) ꞌet nyo Canaan keyoh indaꞌ.

Genesis 16:3 Iomraidhean Croise

Genesis 16:16

ꞋEt ꞌoh whuya whudizulh Abram ꞌen lhkꞌu dit whunizyat ꞌon ꞌat lhkꞌu tat be yus kꞌut (86) whe Ishmael yughu yulhtsi.

Genesis 16:4

ꞋEt Hagar tꞌeinanzin ꞌinkꞌez ulchan. ꞋEt ulchan tꞌeoonanzin, nyoon tsꞌeke yuba ꞌutꞌen-un ooba yintsiꞌ suliꞌ.

Genesis 16:5

ꞋEt Sarai, Abram ꞌuyulhni, “Whe nintaꞌnustꞌen-un nkꞌeholtsꞌit! Ndun tsꞌeke ngha nusti ꞌinkꞌez ulchan tꞌeoonanzin whe, oostsꞌu dutni suliꞌ. Moodihti (Yahweh) nyun, si bulh neba nahutiyeh.”

Genesis 21:21

Keyoh Paran huwhutni-un chuntoh ꞌet whutꞌi ꞌinkꞌez ooloo Egypt whutꞌen-un tsꞌeke ꞌen yuba yilhchoot ooꞌat yutaleh ha.

Genesis 25:6

ꞋEt hoontsꞌi Abraham ꞌuyoonne tsꞌekoo ooꞌat bugha nyus ꞌuhintꞌohne, ꞌenne bubuzkeh ꞌenne cha butsꞌeꞌ tilhdil, butlꞌaꞌ ꞌandla ꞌinkꞌez ooyeꞌ Isaac yuchꞌaz ndaꞌ ꞌutsꞌun keyoh tsꞌe whuz whe balhꞌaꞌ.

Genesis 28:9

ꞋEt Esau, Ishmael, Abraham ooyeꞌ, ꞌen tsꞌu whenya, ꞌinkꞌez Ishmael, ꞌen ootseꞌ Mahalath, ꞌen duꞌat wheni yilhchoot. Ishmael ootseꞌ Nabajoth, ꞌen bulhtus ꞌuntꞌoh, Mahalath, ꞌen cha ooꞌat yoleꞌ, ꞌuyoonne ooꞌatke tubulh.

Genesis 30:4

ꞋInkꞌez Bilhah, Jacob gha inilti ooꞌat yoleꞌ ha ꞌinkꞌez Jacob yuchantꞌinteꞌ.

Genesis 30:9

ꞋEt Leah ꞌawet buzkeh hoonli-un ꞌetsul ꞌuja, ꞌet yuba ꞌutꞌen-un, Zilpah, ꞌen Jacob ooꞌat yoleꞌ ha yugha inilhti.

Genesis 32:22

ꞋInkꞌez ꞌet ꞌulhdzis dudinya ꞌinkꞌez duꞌat nahultꞌoh cha, buba ꞌutꞌenne cha ꞌinkꞌez whunizyane ꞌon ꞌat ꞌilhune (11) ooyeꞌke cha, ꞌet nyo yahunindil ꞌukoh.

Genesis 35:22

ꞋEt ꞌuhooja Israel nyo yun kꞌut hootꞌeꞌ whe Reuben ꞌen Bilhah nyoon oobá ooꞌat ꞌen yugha nyus ꞌuntꞌoh, ꞌen yuchantꞌinteꞌ ꞌinkꞌez Israel whulh ꞌudantsꞌo. ꞋInkꞌez Jacob ooyeꞌke tsꞌiyawh whunizyane ꞌon ꞌat nane hinli.

Galatians 4:25

Ndiz unꞌa njan dúhoontꞌoh, ndun tsꞌeke Hagar, ꞌen ndi dzulh Sinai, yun kꞌut Arabia tsꞌuwhutni-un, ꞌet whuz unꞌa ꞌuntꞌoh. ꞋInkꞌez njan keyoh Jerusalem, ꞌet ndun Hagar kꞌunꞌa ꞌuhoontꞌoh. Njan keyoh, ꞌet ꞌulhnane keyoh ꞌuhoontꞌoh. ꞋInkꞌez mbene ꞌet whuzdline, ꞌenne tsꞌiyawh ꞌulhnane ꞌuhintꞌoh.