Genesis 16:11 - Yak'usda Ooghuni

¹¹ ꞋInkꞌez Moodihti (Yahweh) oolizas, cha yulhni, “Whunilhꞌen ꞌawet tsꞌoodun bulh ꞌintꞌoh suliꞌ. Dune nyaz tileh ꞌinkꞌez booziꞌ Ishmael dutanelh. Njan teneꞌnilhdzun Moodihti (Yahweh) nyudantsꞌo.

Genesis 16:11 Iomraidhean Croise

Genesis 17:19

ꞋEt Yakꞌusda (Elohim) ꞌutni, “ꞋAwundooh Sarah nꞌat nyeꞌ nghu tilhtsi ꞌinkꞌez Isaac dutanelh. Sghuni lhadusla-i ꞌilhiz wheni ꞌen cha ootsꞌun lhadutisleh, mbene la ootsꞌu haindene hukwꞌelhꞌaz ꞌenne cha.

Genesis 21:17

ꞋEt Yakꞌusda (Elohim) ndun tsꞌoodun ꞌutso yuduztsꞌai. ꞋEt whe Yakꞌusda (Elohim) oolizas ꞌen Hagar yutsꞌun huyih yakꞌuz tsꞌun, ꞌinkꞌez ꞌuyulhni, “Hagar, dainja whe ꞌudini? ꞋAw whenilhjut iloh! Yakꞌusda (Elohim) ndun duneyaz yudantsꞌo whe ꞌuntꞌoh.

Genesis 37:25

ꞋInkꞌez natlꞌa hudiltsꞌiꞌ ꞌuhutiꞌulh wheni, ꞌet do hitanꞌen whe ꞌaz de Ishmael whutꞌenne ꞌaz de hidulh, Gilead tsꞌe ha handil. Camel duntꞌi-i khuna-i cha tsꞌiyawh bulh, bulh butaꞌwhutꞌen-i, lhai cha huyilelh, ꞌinkꞌez balm ꞌinkꞌez myrrh huyulhni, nduntꞌi-i cha Egypt tsꞌe huyutizdla.

Luke 1:13

ꞋEt lizas ꞌuyulhni, “Zacharias wheniljut iloh. Yakꞌusda ntenadudli yudántsꞌo. Nꞌat Elizabeth ooyaz duneyaz tileh, ꞌinkꞌez booziꞌ John be ootanzilh.

Luke 1:31

Whunilhꞌen tsꞌoodun baꞌ tanelh. Duneyaz nyaz tileh. ꞋInkꞌez Jesus dutanelh.

Luke 1:63

Dula be núlhnih whe ꞌudustlꞌus butsꞌu haꞌ daniꞌ, ꞌinkꞌez ꞌukꞌuneꞌ ꞌuzguz, “Booziꞌ John hidutanelh.” ꞋInkꞌez tsꞌiyawh buba hooncha.