Genesis 16:10 - Yak'usda Ooghuni

¹⁰ ꞋEt Yakꞌusda (Yahweh) oolizas ꞌuyulhni, “Ntsꞌu haindene lhane ngha tislelh. Huldlai kꞌet ꞌaw bootsꞌolhto ꞌaitꞌoh tileh.”

Genesis 16:10 Iomraidhean Croise

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 16:9

ꞋEt Moodihti (Yahweh) oolizas ꞌuyulhni, “Ooba ꞌintꞌen-un ootsꞌun naindalh ꞌinkꞌez ntsꞌe hukwaꞌ ninzun-un kꞌunꞌa neꞌnyoolhꞌen si.”

Genesis 17:20

ꞋInkꞌez Ishmael ꞌen ghun nyudastsꞌo. Whunilhꞌen soo hoonzoo-un oogha whultsꞌut, ꞌinkꞌez lhane ootsꞌu hainde tileh. Whunizyane ꞌon ꞌat nane lerwe yeꞌke ootsꞌu ha tidoh ꞌinkꞌez ꞌen didoh-un ncha tíselh.

Genesis 21:13

ꞋEt hoontsꞌi ndun tsꞌeke ꞌulhna ooyaz, ꞌen gha didoh-un tiselh, ntsꞌu hainzut ꞌet huwa.”

Genesis 21:16

ꞋInkꞌez yanchꞌaz tsꞌihyan natlꞌa didaꞌ, kꞌaza be ꞌuhututsoh-un ꞌet ꞌuwhuldzoh, ꞌinkꞌez didutchꞌoh ꞌududutni, “Ndun syaz datitsah-un ꞌaw lhozoosꞌen.” ꞋInkꞌez yanchꞌaz netlꞌa didaꞌ ꞌinkꞌez whenintse.

Genesis 21:18

Dudinyaih ꞌinkꞌez tsꞌoodun dudilhtih, ꞌinkꞌez oola oontun, tube dune ootsꞌu ha tidoh whutiselh.”

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

1 Timothy 6:16

ꞋAw ꞌen za be dalhtsꞌutsa-i yutꞌi. Ndet usda-un, ꞌet ndi ootsꞌu ha yanduz-i, ꞌaw dune yuzih neooyaꞌ ꞌaitꞌoh. ꞋAw dune lhuyisꞌen ꞌinkꞌez ꞌaw dune yooꞌenne hooloh. ꞋAw ꞌen za ꞌilhiz be hoolhtus-i yutꞌi. ꞋEt huwa uzdilhtiꞌ. ꞋEt ndo honeh.