Genesis 15:6 - Yak'usda Ooghuni

⁶ ꞋEt Moodihti (Yahweh) yuba ꞌalha ꞌudija, ꞌinkꞌez “Tsꞌihꞌun dune unli,” ꞌuyulhni.

Genesis 15:6 Iomraidhean Croise

Romans 4:11

Abraham Yakꞌusda daja yudániꞌ ꞌet ooba ꞌalha ꞌuhoontꞌoh, ꞌet huwa ꞌutni Yakꞌusda tsꞌihꞌun dune yulhni. Yakꞌusda yudániꞌ hititꞌus-un whutsodaꞌ. Hukwꞌelhꞌaz huyúztꞌus ꞌet whe be hóodatꞌen-un tsꞌihꞌun dune ꞌuntꞌoh. ꞋEt huwa mbe la Yakꞌusda daja ni ooba ꞌalha ꞌuhoontꞌohne, ꞌaw buba lheꞌhítꞌus whe bube hóodatꞌen hoontsꞌi, ꞌenne Abraham butso whudilhdzulh ínleꞌ. ꞋEnne cha Yakꞌusda ubúlhni, tsꞌihꞌun ꞌuntꞌohne.

Romans 4:9

ꞋEt daja nahzun? ꞋEt dune buhúztꞌus whe be hóodatꞌenne, ꞌenne za tilah Yakꞌusda gha ꞌukꞌenus hoonzoo-un bugha whultsꞌut? Kꞌus ndunne lhuhítꞌusne, ꞌenne cha tilah Yakꞌusda gha ꞌukꞌenus hoonzoo-un bugha whultsꞌut? Njan ꞌet dutsꞌútni, Abraham Yakꞌusda daja ni ooba ꞌalha ꞌuhoontꞌoh ꞌet huwa tsꞌihꞌun dune unli yúlhni.

2 Corinthians 5:19

ꞋEt whuz unꞌa, Yakꞌusda Christ yudinda whe yinka duneꞌne tsꞌiyawh tsꞌun nenábudilya. Tsꞌiyantsuk whe hichꞌa neꞌustꞌen, ꞌet ꞌaw ꞌon ꞌun bukꞌelhúhooꞌal. ꞋInkꞌez ndi khuni dune yé tsꞌun nenábudilya-i, ꞌi negha íninꞌai.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.

James 2:23

Yakꞌusda ooghuni daja ni ꞌen ghun, ꞌi tsꞌiyawh lhaooduja. Njan ndutni, “Abraham ꞌen Yakꞌusda yuba ꞌalhaꞌ ꞌuntꞌoh. ꞋEt huwa Yakꞌusda tsꞌihꞌun dune inli,” yúlhni. ꞋInkꞌez Yakꞌusda ookꞌeke suliꞌ-un, huyúlhni.