Genesis 15:5 - Yak'usda Ooghuni

⁵ ꞋEt nꞌaz teinilhti ꞌinkꞌez ꞌuyulhni, “Ndo yakꞌuz tsꞌe whunilhꞌen sum hoolhto hukwa soo tila holhto.” ꞋInkꞌez ꞌet ꞌuyulhni, “Mbene la ntsꞌu haindene ꞌet ꞌuhutiltsuk.”

Genesis 15:5 Iomraidhean Croise

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 16:10

ꞋEt Yakꞌusda (Yahweh) oolizas ꞌuyulhni, “Ntsꞌu haindene lhane ngha tislelh. Huldlai kꞌet ꞌaw bootsꞌolhto ꞌaitꞌoh tileh.”

Genesis 17:2

ꞋInkꞌez sghuni nyun, si bulh lhadutalneh ꞌinkꞌez ꞌonus lhane cha tihleh.”

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Genesis 26:4

ꞋInkꞌez ntsꞌu haindene, ꞌenne yakꞌuz whusum kꞌunꞌa lhkꞌuz te huldlai hubutilhtselh. ꞋInkꞌez ntsꞌu hainde ꞌen tsꞌiyawh njan yun kꞌut bugha óotasꞌalh. ꞋInkꞌez ntsꞌu haindene, ꞌenne bugha ndi yun kꞌut dune tsꞌiyawh huba soo hoonzoo-i ꞌi butilhtselh.

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 32:13

ꞋEt ꞌulhdzis nyo ꞌet hantez ꞌinkꞌez ndai la yula kꞌeyankat-i, ꞌi dulhutsin Esau yutsꞌi tilhdulh.

Romans 4:18

Yakꞌusda yutsꞌú hoozi-un lhane didowhne butso whudilhdzulh-un tileh. ꞋUhóneh ꞌaítꞌoh leꞌ hoontꞌoh, ꞌet hoontsꞌi ooba ꞌalha ꞌuhoontꞌoh ꞌet nduwhútanelh. ꞋEt Yakꞌusda uyúlhni, “Nyukédindene hutildlai,” ꞋEt huwa.

Hebrews 11:12

ꞋEt huwa ꞌilhoghun dune nisjan kꞌet ꞌantsꞌi dazsai leꞌ ꞌuntꞌoh, ꞌet hoontsꞌi yé dindene huldlai. Ndoghi sum ꞌi bundeíniltsukne ꞌinkꞌez taba sai ꞌaw oonolto ꞌaitꞌoh, ꞌet ꞌuhuniltsuk ꞌenne hiye ndunne hinli.