Genesis 15:2 - Yak'usda Ooghuni

² ꞋEt hoontsꞌi Abram ꞌutni, “Moodihti Yakꞌusda (Adonai Yahweh) di sgha tanꞌalh? ꞋAw suzkeh cha hooloh mbe la skꞌedutiyalh ꞌen Eliezer Damascus whutꞌen-un eh ꞌuntꞌoh?”

Genesis 15:2 Iomraidhean Croise

Genesis 14:15

ꞋEnne tsꞌiyawh lhkꞌebanla ꞌinkꞌez ꞌulhdzis whe yuba ꞌutꞌenne tubulh ndunne bubulh whelhonigan Hobah whutsꞌun whenabonanyoot Damascus whano ꞌet ꞌuhoontꞌoh.

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 15:3

ꞋEt Abram ꞌutni, “Whunilhꞌen ꞌaw suzkeh sghalhinlel. Mbe la syoh whuzdli-un ꞌen skꞌedutiyalh-un tileh.”

Genesis 24:10

ꞋEt nyoon yuba ꞌutꞌen-un, whunizyai oomoodih oochꞌeꞌ khuna-i, camel huyulhni, yilhchoot ꞌinkꞌez whenya. Ndai la oomoodih oochꞌeꞌ tsꞌiyawh didut oola kꞌet yuzdla wheꞌ hoontꞌoh ꞌinkꞌez dudinya. ꞋInkꞌez yun kꞌut Mesopotamia, Nahor ookeyoh, ꞌet whuz whenya.

Genesis 24:2

ꞋEt Abraham yuba ꞌutꞌen-un yoo ꞌun uzulh-un, ꞌen yoh yuba huwunli-un tsꞌiyantsuk whumoodih yilhꞌi-un, ꞌen ꞌuyulhni, “ꞋAnih njan swuz tꞌah nedilnih.

Genesis 25:21

ꞋEt Isaac ꞌen Moodihti (Yahweh) yutsꞌu tedudlih duꞌat ba, ꞌaw buzkeh holeꞌ ꞌaitꞌoh. ꞋEt Moodihti (Yahweh) ꞌet yugha ooninꞌai ꞌinkꞌez Rebekah ulchan.

Genesis 39:9

ꞋAw njan yoh ꞌaw sanus ꞌulchone hooloh. ꞋAw hoonli cha schꞌa nulhonulhꞌiꞌ. ꞋEt ꞌandit nyun ꞌen ooꞌat inli, ꞌet huwa ntsꞌenꞌa ꞌutisnelh lheꞌwhulcho-un, lheꞌwhultsiꞌ-un ꞌet ꞌutisnelh ꞌinkꞌez Yakꞌusda oochꞌaz lubeshi nedutasdalh?”

Genesis 43:19

ꞋEt nyoon Joseph buyoh whumoodih yuzih nenindil nyo dati ꞌet hiyulh yailhduk.

Genesis 44:1

ꞋInkꞌez nyoon duyoh whumoodih unli-un ꞌen ꞌuyulhni, “Dune tsꞌiyawh ꞌezdla-i ꞌutꞌalh-i buba idilhbun, soo nahitilelh-un ꞌet ꞌuldaz-i, ꞌinkꞌez sooniya huye huyonket, ꞌi cha ꞌezdla-i buba denayinꞌaih.

Acts 7:5

ꞋAw Yakꞌusda yun ntsool-iyaz hoontsꞌi yughá lhiꞌal ꞌet hoontsꞌi yutsꞌú yoozi whe ndúyulhni, ‘Nyun ꞌinkꞌez mbe la nye dútadulhne, ꞌenne ndi yun buchꞌeꞌ tileh.’ ꞋEt ꞌoh daꞌ Yakꞌusda ndúyulhni whe Abraham ꞌaw buzkeh hooloh inleꞌ.