Genesis 15:13 - Yak'usda Ooghuni

¹³ ꞋEt whe Yakꞌusda (Elohim) Abram ꞌuyulhni, “Soo soo cho tꞌeoononzeh, ntsꞌu hainde ꞌen ꞌuyoo yun kꞌut ꞌet ꞌaw tꞌelhonizun ꞌinkꞌez ꞌaw hubeꞌ hoolhdzun chaíloh. ꞋEt ndunne yun kꞌut whutꞌen, ꞌen dzoh neꞌbulhꞌen ꞌinkꞌez bunat neꞌhootꞌen whe 400 nawhudizut whutsꞌun bubaꞌ hutitꞌelh.

Genesis 15:13 Iomraidhean Croise

Genesis 15:16

ꞋEt whulh dit dune nawhusdli-un, ꞌet ndiz nahutidulh. Amor whutꞌenne tankꞌus unꞌa ꞌuhutꞌen-un ꞌawhuz lhalhodusne.”

Genesis 17:8

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

Genesis 47:4

ꞋInkꞌez cha Pharaoh ꞌubulhni, “Ndi yun kꞌut tsꞌotitꞌelh ha whusatsꞌandil. Mba ꞌutꞌenne ꞌaw bughunaꞌ yooꞌalh-i hooloh Canaan yun kꞌut dai tube ꞌuja, ꞌet huwa mba ꞌutꞌenne Goshen yun kꞌut huhootꞌen-un ꞌet negha ooninꞌaih.”

Acts 7:17

ꞋEt ndi yun Yakꞌusda Abraham ye yútsꞌu yoozi-i be whengho whúdizulh ꞌinkꞌez neduneꞌne Egypt dilhtsꞌíne ꞌon nus huldlai suliꞌ.

Galatians 3:17

Daja nohdusni-un, ꞌet ndi khuni be yutsꞌu náhizya, ꞌudaꞌ Yakꞌusda Christ bulh lhahódinla wheꞌ hoontꞌoh. ꞋEt 430 be yus kꞌut hukwꞌelhꞌaz ꞌet Moses ꞌudustlꞌus ꞌukꞌu neyuzguz. ꞋEt huwa njan Abraham khuni ooba lhaíndanla-i, ndi khuni ꞌaw gak nahooselh ꞌaitꞌoh.