Genesis 15:1 - Yak'usda Ooghuni

¹ ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Genesis 15:1 Iomraidhean Croise

Genesis 15:2

ꞋEt hoontsꞌi Abram ꞌutni, “Moodihti Yakꞌusda (Adonai Yahweh) di sgha tanꞌalh? ꞋAw suzkeh cha hooloh mbe la skꞌedutiyalh ꞌen Eliezer Damascus whutꞌen-un eh ꞌuntꞌoh?”

Genesis 15:4

ꞋEt whunilhꞌen, Moodihti (Yahweh) ooghuni weidiltsꞌut ꞌutni, “Ndun ꞌaw nkꞌelhdutisyal whe ꞌuntꞌoh nyustꞌe tsꞌu hainzut-un ꞌen nkꞌedutiyalh.”

Genesis 21:17

ꞋEt Yakꞌusda (Elohim) ndun tsꞌoodun ꞌutso yuduztsꞌai. ꞋEt whe Yakꞌusda (Elohim) oolizas ꞌen Hagar yutsꞌun huyih yakꞌuz tsꞌun, ꞌinkꞌez ꞌuyulhni, “Hagar, dainja whe ꞌudini? ꞋAw whenilhjut iloh! Yakꞌusda (Elohim) ndun duneyaz yudantsꞌo whe ꞌuntꞌoh.

Genesis 22:1

ꞋEt njan hukwꞌelhꞌaz ꞌet ꞌuhooja, Yakꞌusda (Elohim), Abraham yoolhdzai ꞌinkꞌez ꞌuyulhni, “Abraham!” ꞋEt Abraham ꞌutni, “Njan ꞌustꞌen.”

Genesis 22:20

ꞋEt ꞌuhooja hukwꞌelhꞌaz Abraham hidaniꞌ, “ꞋAlhaꞌ Milkah ꞌen cha buzkeh hooni Nahor nyulhutsin ꞌen buzkeh:

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 31:7

ꞋEt hoontsꞌi nohbá nasunanꞌa ꞌinkꞌez kwꞌelha ꞌustꞌen-i cha ꞌutsꞌun unꞌa naꞌhoonla, whunizyat atꞌen ꞌet hoontsꞌi Yakꞌusda (Elohim) ꞌaw mbá sundolhdah whuchꞌa sghunli.

Matthew 28:5

Lizas tsꞌekoo ubúlhni, “Nulhjut íloh. Tꞌeoonuszun Jesus tulalhgus kꞌut dazai-un, ꞌen ookwunáhta whé ꞌahtꞌen.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Luke 1:13

ꞋEt lizas ꞌuyulhni, “Zacharias wheniljut iloh. Yakꞌusda ntenadudli yudántsꞌo. Nꞌat Elizabeth ooyaz duneyaz tileh, ꞌinkꞌez booziꞌ John be ootanzilh.

Luke 1:30

ꞋInkꞌez lizas uyúlhni, “Mary niljut iloh! Yakꞌusda nyulh hoontꞌiꞌ.

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

Acts 10:22

ꞋEt ꞌuhuyúlhni, “Lhuganne moodih, Cornelius, ꞌen netílhꞌaꞌ wheꞌ tsꞌutꞌen. Dune unzoo ꞌinkꞌez ꞌahoolhyiz Yakꞌusda tsꞌun ténadudli, Lizwifne cha tsꞌiyawh hidílhtiꞌ. Yakꞌusda oolizas ꞌilhoghun ꞌen duyoh tsꞌe nkaꞌ doniꞌ yulhni, ꞌinkꞌez dája dutanelh ꞌet nyoozólhtsꞌai ꞌet wheni.”

1 Corinthians 3:22

Paul, kꞌus Apollos, kꞌus Cephas, kꞌus ndi yun kꞌut, kꞌus be tsꞌukhuna-i, kꞌus be yatsꞌadlah-i, kꞌus ꞌandit ndai tsꞌutꞌi-i, kꞌus ndet whusaootiltsꞌulh-un, ꞌi tsꞌiyawh nohchꞌeꞌ ꞌuntꞌoh. ꞋEt huwa ꞌaw ꞌilhoghun dune ꞌon nus unzoo ꞌuzdooniꞌ ꞌaitꞌoh.

Hebrews 1:1

Lhat-un ꞌinkꞌez lhelhtsꞌun unꞌa, niz haóodanzut, Yakꞌusda be nus hooꞌenne, ꞌenne bube netsodaꞌne bubulh yaílhduk.

Revelation 1:17

Tísꞌen whe oobut dasúsai hukwꞌunꞌa naztsꞌut. Dula nailhni tsꞌunkꞌus ꞌi be skꞌé dilni ꞌinkꞌez ꞌusulhni, “Niljut íloh! ꞋUdechoo ꞌinkꞌez ꞌudekꞌez-un ꞌustꞌoh.