Genesis 14:8 - Yak'usda Ooghuni

⁸ ꞋInkꞌez Sodom whulerwe, Gomorrah whulerwe, Admah whulerwe ꞌinkꞌez Zeboi whulerwe ꞌinkꞌez Bela whulerwe, Zoar huwhutni ꞌenne tsꞌiyawh lhtsꞌu nehudindil ꞌinkꞌez Sidom dzulh eguz whuzꞌai-un ꞌet whelhonigan.

Genesis 14:8 Iomraidhean Croise

Genesis 10:19

Canaan whutꞌenne whukeyoh whuban ꞌet Sidam, Girard tsꞌu wheti-un Gaza ꞌuwhuldzoh, Sodom tsꞌu wheti-un Gomorrah, Admah, Zeboim, Lasha tsꞌe ꞌuwhuldzoh.

Genesis 13:10

ꞋEt Lot whunilhꞌen Jordon keyoh duchun hooloh-un tsꞌiyawh yunilhꞌen. Too cha lhai wheꞌ hoontꞌoh, (Moodihti (Yahweh) Sodom ꞌinkꞌez Gomorrah bulh gak whutilhtselh whutsꞌo), Moodihti (Yahweh) ha nuyeh kꞌet ꞌet nduhoontꞌoh inleꞌ, Egypt dahoontꞌoh la Zoar tsꞌu wheti tsꞌe, ꞌet nduhoontꞌoh.

Genesis 14:10

ꞋEt njan Sidom dzulh eguz whuzꞌai-un, asphalt huyulhni, lhai ꞌoh duntꞌi ꞌinkꞌez Sodom whulerwe ꞌinkꞌez Gomorrah whulerwe bulh whe tse halhdil. Whulohne ꞌet yahadla, ꞌet mbene la lhchꞌu tizkatne ꞌenne ndo dzulh tuz whe tse halhdil.

Genesis 14:9

ꞋEt Chedorlaomer, Elam whulerwe, Tidal, ꞌudun keyoh whutꞌenne bulerwe, Amraphel, Shinar whulerwe, ꞌinkꞌez Arioch, Ellasar whulerwe, dine lerwe ꞌenne kwulane lerwe buchꞌaz nehudindil.

Genesis 19:20

ꞋAndit whunulhꞌen njan keyoh whuyaz ꞌet nilhdukw wheꞌ hoontꞌoh, whuz toosyaꞌ, ꞌet de la szul khoonaꞌ.”

Genesis 19:22

Soo ꞌa ꞌududilyih! ꞋAw hoonli oosneh ꞌaitꞌoh ndet la keyoh ninya whutsꞌun.” ꞋEt huwa nyo keyoh Zoar huwhutni.