Genesis 14:13 - Yak'usda Ooghuni

¹³ ꞋEt ꞌilhoghun nintanalgai-un whe Abram, Hebrew whutꞌen-un, ghu ninya ꞌinkꞌez yulhni. Abram ꞌen njan duchun, oak hiyulhni, ꞌet whutꞌi. Ndi duchun ꞌi ndun Amor whutꞌen, Mamre ꞌintꞌoh, ꞌen ye ꞌuntꞌoh-i ꞌuntꞌoh. Boono Eshcol ꞌinkꞌez boono Aner ꞌen, Abram hitsꞌu dutni ꞌuhintꞌoh.

Genesis 14:13 Iomraidhean Croise

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 14:24

Ndai la chilke hiyanꞌal-i ꞌinkꞌez dune sulh tizdilne Aner, Eshcol ꞌinkꞌez Mamre ꞌenne oochꞌeꞌ huyolhchoot dulhni.”

Genesis 40:15

ꞋAlha Hebrew whutꞌenne bukeyoh ꞌet whutsꞌun sgho ndunistꞌi whe ꞌustꞌoh. ꞋAw hoonli lheꞌusnel whe njan ꞌaw ꞌasuhooꞌalh huba lheꞌhootꞌoh.”

Philippians 2:5

ꞋEt ndet Christ Jesus ꞌen howu nuninuzut, nohni cha ꞌet za howu nuni noohdeh.

2 Corinthians 11:22

Ndunne Hebrew bughuni yalhdukne naꞌhududútni, ꞌet si cha ꞌilhoghun ꞌustꞌoh. Israel whuduneꞌne naꞌhududutni, ꞌet si cha ꞌilhoghun ꞌustꞌoh. Abraham ootsꞌu haíndene naꞌhududútni, ꞌet si cha ꞌilhoghun ꞌustꞌoh.

Genesis 43:32

ꞋEt didutchꞌoh ꞌutiꞌulh-un hiba neꞌninla, ꞌinkꞌez nyoonne cha didutchꞌoh ꞌet ꞌuhutiꞌulh-un buba neꞌninla. ꞋInkꞌez Egypt whutꞌenne ꞌenne cha didutchꞌoh duba neꞌhuninla. ꞋAw Egypt whutꞌenne, Hebrew whutꞌenne ꞌaw bubulheꞌhusꞌal, Egypt whutꞌenne buba hoontsiꞌ.

Genesis 41:12

ꞋEt nyo ꞌilhoghun Hebrew chilhyaz, ꞌen nebulh ꞌadinꞌai nyo Pharaoh lhuganne budayi cho, ꞌen ba neꞌutꞌen-un, ꞌinkꞌez ꞌen datniꞌ ꞌinkꞌez nedaniꞌ nusitez-un, tsꞌiyawh nedaniꞌ.

Genesis 10:16

Jebus whutꞌenne, Armor whutꞌenne, ꞌinkꞌez Girgash whutꞌenne cha,

Genesis 39:14

Nyoonne dune ꞌenne whuyoh dunene butsꞌa hanyih ꞌinkꞌez ꞌubulhni, “Whunulhꞌen, ndun Hebrew whutꞌen-un ꞌen neghi nilhti neghodloh ha, ꞌinkꞌez yoh daninya ꞌinkꞌez duchan tꞌeoosteꞌ sulhni, ꞌinkꞌez tube cho ꞌasuzdzul!

Genesis 18:1

ꞋEt Moodihti (Yahweh) ꞌen Abraham yunalh hainya, njan ndun Mamre, duchun tꞌah terebinth, oak huyulhni, whuꞌiz whunilghaz whe nimbali dati ꞌet usda.

Genesis 21:27

ꞋEt Abraham ꞌusbai cha, musdoos dune cha, ꞌi Abimelech gha ininla ꞌinkꞌez nahultꞌoh lhba khuni be ba lhaoodulya.

Genesis 21:32

ꞋEt njan Beersheba ꞌet khuni buba lhaoodulya, ꞌet Abimelech dunadija, Phicol lhuganne bumoodih bulh ꞌinkꞌez Philistinene bukeyoh tsꞌe whuz whenahitꞌaz.

Genesis 21:24

ꞋEt Abraham ꞌutni, “A whuz unꞌa nahutisyeh.”