Genesis 14:12 - Yak'usda Ooghuni

¹² Lot ꞌen cha huyilhchoot, Abram bulhutsin ooyeꞌ ꞌuntꞌoh. Sodom ꞌet whutꞌi, ndai la yutꞌi-i cha ꞌinkꞌez tsꞌiyawh hiyulh whenadil.

Genesis 14:12 Iomraidhean Croise

Genesis 11:27

ꞋEt Terah tsꞌu haindene: ꞌenne Abram, Nahor ꞌinkꞌez Haran. Haran ꞌen Lot ooyeꞌ suliꞌ.

Genesis 11:31

ꞋInkꞌez Terah duyeꞌ Abraham, duchai Lot te, Haran ooyeꞌ ꞌinkꞌez duyasꞌat, Sarai duyeꞌ, Abram ooꞌat cha. Ur, Chaldean bukeyoh, ꞌet Canaan tsꞌe whehandil, keyoh Haran highu nindil ꞌinkꞌez ꞌet huhootꞌeꞌ.

Genesis 12:5

ꞋEt Abram duꞌat yilhchoot ꞌinkꞌez Lot ooꞌat cha hubilhchoot ꞌinkꞌez ndai la huyutꞌi-i cha tsꞌiyawh nahuyalhdzoo ꞌinkꞌez mbe la dune bugha nindene ꞌenne cha Haran, Canaan tsꞌe yun kꞌuz whehandil ꞌinkꞌez Canaan nehunindil.

Genesis 14:11

ꞋEt ndunne dine lerwene, ꞌenne Sodom ꞌinkꞌez Gomorrah keyoh whuchꞌeꞌ tsꞌiyawh huyilhchoot, ndai la hikꞌu huna-i cha ꞌinkꞌez whe nahidil.

Genesis 14:14

ꞋEt Abram bulhutsin Lot huyulhna huyulhni whe duduneꞌne 318 ꞌenne hodilꞌeꞌne yuba ꞌutꞌenne, Abram hiyoh whuzdline, ꞌenne buba untizyoot keyoh Dan whutsꞌun.

Genesis 14:16

ꞋEt ndai la huyilhchoot-i cha ꞌinkꞌez bulhutsin Lot cha, highu huyilhchoot-i cha, tsꞌekoo cha ꞌinkꞌez dunene tsꞌiyawh nabuhilhchoot.

Revelation 18:4

ꞋEt doo cha ndus de yakꞌuz tsꞌe ꞌuwhutni whudástsꞌo whe njan duwhútni, “Sduneꞌne ootsꞌu ha náhdilh doo ka si ꞌen bulh lubeshi oolhꞌen. ꞋInkꞌez doo ka si ndi dune ye dzoh nudeh-i, ꞌi nohghá doltsꞌit.

Revelation 3:19

Mbene la kꞌeke kꞌunꞌa bukꞌesiꞌne, ꞌenne tsꞌiyawh khuni ulhtus-i be bubulh yasduk ꞌinkꞌez tsꞌihꞌun unꞌa nenábusdlih. ꞋEt huwa nohdzi ulhtus cho ulhꞌi ꞌinkꞌez noheni náhandunoohlelh.