Genesis 14:10 - Yak'usda Ooghuni

¹⁰ ꞋEt njan Sidom dzulh eguz whuzꞌai-un, asphalt huyulhni, lhai ꞌoh duntꞌi ꞌinkꞌez Sodom whulerwe ꞌinkꞌez Gomorrah whulerwe bulh whe tse halhdil. Whulohne ꞌet yahadla, ꞌet mbene la lhchꞌu tizkatne ꞌenne ndo dzulh tuz whe tse halhdil.

Genesis 14:10 Iomraidhean Croise

Genesis 11:3

ꞋEt lhgha ꞌuhudutni, “ꞋAnih, tse tlꞌus ꞌi ꞌutsꞌooleh, ꞌinkꞌez soo cho whe tsꞌoolhtꞌes.” Tse tlꞌus ꞌi tse ba huyutꞌi ꞌinkꞌez be tsꞌuwhudzeh, ꞌi hiye whutlꞌus ba.

Genesis 14:11

ꞋEt ndunne dine lerwene, ꞌenne Sodom ꞌinkꞌez Gomorrah keyoh whuchꞌeꞌ tsꞌiyawh huyilhchoot, ndai la hikꞌu huna-i cha ꞌinkꞌez whe nahidil.

Genesis 14:17

ꞋEt Sodom whulerwe, Shaveh wheguz ꞌet, ꞌen Abram yududizya (Lerwe wheguz whuzꞌai huwhutni), Chedorlaomer hichꞌaꞌ nilhde hukwꞌelhꞌaz ꞌinkꞌez lerwe hiyulh ꞌutꞌenne tubulh.

Genesis 14:21

ꞋEt Sodom whulerwe Abram yulhni, “Dune ꞌenne sgha buninle ꞌinkꞌez ndai la hoonli-i, ꞌi nyunchꞌoh ilhchoot.”

Genesis 14:3

Ndunne tsꞌiyawh lhtsꞌu nehudindil ꞌinkꞌez Siddim wheguz (ꞌet ꞌuhoontꞌoh, lisel yatooꞌ).

Genesis 14:9

ꞋEt Chedorlaomer, Elam whulerwe, Tidal, ꞌudun keyoh whutꞌenne bulerwe, Amraphel, Shinar whulerwe, ꞌinkꞌez Arioch, Ellasar whulerwe, dine lerwe ꞌenne kwulane lerwe buchꞌaz nehudindil.

Genesis 19:17

ꞋEt ꞌuhooja tsꞌiyawh teboninla hiyulhni, “Soo ꞌa tulhghas ꞌududoolhyih sih! Khun te kꞌoh naitohtꞌen junih, kꞌus njan ꞌet te dolhtsꞌiꞌ junih, dzulh kꞌuz tsꞌe uhdulh doo ka sih gak oohleꞌ!”

Genesis 19:30

ꞋEt Lot Zoar whuchꞌa nasja ꞌinkꞌez dzulh toh tsꞌe nenina, ootseꞌke nane cha huyulh ꞌutꞌen. Zoar whutitꞌelh-un whe nuljut, ꞌinkꞌez dutseꞌ bulh nyo tseꞌan ꞌet huwhutꞌi.