Genesis 13:8 - Yak'usda Ooghuni

⁸ ꞋEt Abram, Lot yulhni, “ꞋAw hoonli huwun nyun ꞌinkꞌez si bulh lhdulhyoh ꞌudotniꞌ ꞌaitꞌoh. ꞋInkꞌez si skhunai-i ghunline, ꞌinkꞌez nyun nghunai-i ghunline, lhulh dulhyoh hudotni ꞌaitꞌoh. Lhulhlhutsinke tsinli ꞌet huwa.

Genesis 13:8 Iomraidhean Croise

Genesis 13:9

Nyoo yun lheꞌulcho-i nilhꞌen. Schꞌa sinyaiꞌ ꞌintlꞌus tsꞌe whuz inyalh ꞌinkꞌez si cha nailhni tsꞌe toosyaꞌ, kꞌus nyun nailhni tsꞌe inyalh ꞌinkꞌez si ꞌintlꞌus tsꞌe si toosyaꞌ.”

Genesis 14:14

ꞋEt Abram bulhutsin Lot huyulhna huyulhni whe duduneꞌne 318 ꞌenne hodilꞌeꞌne yuba ꞌutꞌenne, Abram hiyoh whuzdline, ꞌenne buba untizyoot keyoh Dan whutsꞌun.

Genesis 45:24

ꞋEt dudulhutsinke whenabalhꞌa ꞌinkꞌez whe nahidil ꞌinkꞌez ꞌubulhni, “Khun te nyo nuhdil whute dzoh nohdeh junih.”

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Matthew 5:9

Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

Acts 7:26

ꞋEt ꞌom bun dzin ꞌet la nane Israel ootsꞌu hainzutne lhehútꞌus ꞌet la, ‘Dah!’ ubúlhni, ‘Soo zúlhtsꞌai sulh dune lhulhutsin ꞌahli, di ha lhéhtꞌus?’ ubúlhni.

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

Philippians 2:14

Tsꞌiyantsuk whe lhdulhyoh ꞌudoohniꞌ junih. ꞋInkꞌez khun te lhchꞌa holhꞌeꞌ junih.

1 Thessalonians 4:9

Lhulhutsinke yé lhkꞌesiꞌ-i, ꞌi ghun ꞌaw nohtsꞌo kꞌeꞌoosges huba lheꞌhootꞌoh, Yakꞌusda dichꞌoh whunohodalhꞌeꞌ lhkꞌeoohsiꞌ ha.

Hebrews 12:14

Tsꞌiyanne butsꞌun tsꞌihꞌun unꞌa lhtsꞌun oohtꞌeꞌ hukwaꞌoohtꞌen. Lubeshi ooghu hoolohne dune oohleꞌ hukwaꞌoohtꞌen. ꞋAw ꞌet de za neMoodihti uztiꞌelh.

Hebrews 13:1

Lhulhutsinke kꞌunꞌa lhkꞌehsiꞌ.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.

1 Peter 3:8

Njan ꞌudekꞌez-un nohdutásnelh. Nohni tsꞌiyawh noheni ꞌilho za ooleꞌ. Lhgha teꞌnohdzin ꞌinkꞌez ooba ꞌalha ꞌuhoontꞌohne tsꞌiyawh lhkꞌeoohsiꞌ. Lhtsꞌun nohdzi oozooꞌ ꞌinkꞌez soo cho lhtsꞌún kꞌeke oohleꞌ.

1 Peter 4:8

Soo ꞌukꞌenus hooncha-un ꞌuhoontꞌoh. Tube cha lhkꞌeoohsiꞌ. Ntsꞌenꞌa dune tankꞌus nunóhulhꞌen whe nohundulhda de, ꞌet hoontsꞌi whutus bukꞌeoohsiꞌ hubaꞌ hoontꞌoh.

2 Peter 1:7

Yakꞌusda ooba ꞌalhaꞌ yintꞌohne bukꞌeoohsiꞌ, ꞌi cha, ꞌinkꞌez be lhkꞌetsꞌutsiꞌ-i, ꞌi be lhkꞌeoohsiꞌ.

1 John 4:7

Ookꞌesiꞌne tsꞌiyawh lhkꞌetsꞌoosiꞌ. Bé lhkꞌetsꞌusiꞌ-i Yakꞌusda tsꞌu háltsꞌut whe ꞌuntꞌoh. Tsꞌiyanne lhkꞌesiꞌne, ꞌenne Yakꞌusda yé ulhtus-i bé huwhuzdli ꞌinkꞌez Yakꞌusda tꞌehinínzun.