Genesis 13:7 - Yak'usda Ooghuni

⁷ ꞋEt Abram bughunaiꞌ ghunline ꞌinkꞌez Lot bughunaiꞌ ghunline ꞌenne ꞌaw ꞌulhuholdzin ꞌaitꞌoh. ꞋOh daꞌ ndunne Canaan whutꞌenne ꞌinkꞌez Periz whutꞌenne, ꞌenne cha njan yun kꞌut huwhutꞌi.

Genesis 13:7 Iomraidhean Croise

Genesis 10:19

Canaan whutꞌenne whukeyoh whuban ꞌet Sidam, Girard tsꞌu wheti-un Gaza ꞌuwhuldzoh, Sodom tsꞌu wheti-un Gomorrah, Admah, Zeboim, Lasha tsꞌe ꞌuwhuldzoh.

Genesis 12:6

Abram ꞌoh whuya keyoh lhusuya ꞌinkꞌez keyoh Shechem huwhutni-un Moreh duchun Terabim huyulhni, ꞌi nadanꞌa ꞌet whutsꞌun ꞌinkꞌez Canaan whutꞌenne ꞌenne nyo yun kꞌut hudilhtsꞌi.

Genesis 21:25

ꞋEt Abraham, Abimelech hukwaꞌ yudaniꞌ, di ha Abimelech oonatneꞌutꞌenne ndi too dizꞌai-un ooghu huhoolhchoot.

Genesis 26:20

ꞋEt hoontsꞌi nyoonne Gerar whutꞌenne khuna ghunline, Isaac khunaꞌ ghunline tube hube hududulh. Nyoonne Gerar whutꞌenne hutni, “Ndi too nechꞌeꞌ ꞌuntꞌoh!” hutni, ꞌet nyo too kꞌet, ꞌet Esek yooziꞌ, hiye dindil ꞌet huwa.

Genesis 34:30

ꞋEt Jacob ꞌen Simeon ꞌinkꞌez Levi ꞌen ndo ꞌubulhni, “Tube sba dzoh ꞌuhja! Ndunne dune ndoh whutꞌine buba ska lheꞌhunizun suliꞌ. Canaan whutꞌenne ꞌinkꞌez Perizz whutꞌenne, tube wheni tsꞌintsool wheꞌ tsꞌintꞌoh, tsꞌiyawh ꞌilhohozdil ꞌinkꞌez la schꞌaz nehudindil ꞌinkꞌez la sozoolhghelh. Gak sotilhtselh syoh whutꞌine cha, si cha.”

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Mark 3:25

kꞌus ꞌilhoghun yoh whutꞌenne lhchꞌaz nehúdindil de, ꞌet yoh whutꞌenne tsꞌiyawh yahitádulh.

1 Corinthians 3:3

ꞋAwhuz nohyustꞌe lubeshi tsꞌu nintꞌi. Nohni tsꞌiyawh eh tꞌeoonuhzun? Nohtoh ꞌoonih-i, ꞌi hoonih, ꞌinkꞌez lhedádulh, ꞌinkꞌez lhendowh nenahdil hukwꞌunꞌa ꞌahja. ꞋEt whuz unꞌa ndahtꞌen de, ꞌet ꞌalhaꞌ ꞌawhuz nohyustꞌe lubeshi tsꞌu nintꞌi whe ꞌahtꞌoh. Ndi yun kꞌut whutꞌenne kꞌunꞌa neꞌáhtꞌen.

Galatians 5:20

ꞋEt ꞌukꞌeltsi neba ꞌalhaꞌ ꞌuntꞌoh-un, dune dezdulih-un cha. Lhtsꞌuzdutni ꞌinkꞌez lhchꞌa tsꞌúhooli. Lhgheꞌ tsꞌoolnih, tsꞌuhuzke, nekꞌoh tsꞌe zaꞌ ꞌutsꞌitꞌelh. ꞋEt lhelhdoh ꞌutsꞌintꞌoh whe ꞌilhoh didohne, wheni tsꞌiyawh whenichꞌoh nekꞌunꞌa ꞌonghohne whubutsꞌodulhꞌeh de,

Colossians 4:5

Ooba ꞌalhaꞌ lheꞌhootꞌohne, ꞌenne soo cho bughohleꞌ. Ndet ꞌandit nohghá whultsꞌut-un, whunih be ꞌuhoolhꞌen.

1 Thessalonians 4:12

ꞋEt whuz unꞌa ndahtꞌoh de, ꞌet de mbene la ooba ꞌalhaꞌ lheꞌhootꞌohne, ꞌenne bunalh soo tsꞌihꞌun unꞌa toohyaꞌ. ꞋEt whe ꞌaw hoonliyaz etsꞌuhólhdoh ꞌaitꞌoh.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.

James 3:16

Ntsꞌe ꞌuhoontꞌoh dune lhgheꞌ oolnih ꞌinkꞌez ꞌahoolhyiz dichꞌoh za khununi hunudzut, ꞌet whuz unꞌa tsꞌiyawh buba wheꞌ hoontꞌoh hooyoh dawhútanelh suba, ꞌinkꞌez tsꞌiyaitsuk hoontsiꞌ-un ꞌoh ꞌuwhahulhꞌen.

James 4:1

Nohni nohtoh di ha tsꞌiyawh lhdulhyoh ꞌudahnih, ꞌinkꞌez lhéhdulh? Ntsꞌez de ha hóoltsꞌut wheꞌ hoontꞌoh? Tsꞌiyanne dukꞌunꞌa za hukwaꞌ huninzun, ꞌet whuz de ha hóoltsꞌut wheꞌ hoontꞌoh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.