Genesis 13:16 - Yak'usda Ooghuni

¹⁶ ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 13:16 Iomraidhean Croise

Genesis 15:5

ꞋEt nꞌaz teinilhti ꞌinkꞌez ꞌuyulhni, “Ndo yakꞌuz tsꞌe whunilhꞌen sum hoolhto hukwa soo tila holhto.” ꞋInkꞌez ꞌet ꞌuyulhni, “Mbene la ntsꞌu haindene ꞌet ꞌuhutiltsuk.”

Genesis 16:10

ꞋEt Yakꞌusda (Yahweh) oolizas ꞌuyulhni, “Ntsꞌu haindene lhane ngha tislelh. Huldlai kꞌet ꞌaw bootsꞌolhto ꞌaitꞌoh tileh.”

Genesis 17:16

ꞋInkꞌez soo hoonzoo-un ooba whutiselh ꞌinkꞌez duneyaz ꞌen mba nyaz tileh. ꞋInkꞌez ꞌen soo hoonzoo-un ooba whutiselh ꞌinkꞌez ndoh hidoh ꞌenne buloo tileh, ꞌinkꞌez lerwene cha hitsꞌu ha tidoh.”

Genesis 17:2

ꞋInkꞌez sghuni nyun, si bulh lhadutalneh ꞌinkꞌez ꞌonus lhane cha tihleh.”

Genesis 17:20

ꞋInkꞌez Ishmael ꞌen ghun nyudastsꞌo. Whunilhꞌen soo hoonzoo-un oogha whultsꞌut, ꞌinkꞌez lhane ootsꞌu hainde tileh. Whunizyane ꞌon ꞌat nane lerwe yeꞌke ootsꞌu ha tidoh ꞌinkꞌez ꞌen didoh-un ncha tíselh.

Genesis 17:6

Soo tsꞌihꞌun lhane ntsꞌu ha kedande nyutiselh, lhelhdoh didohne dune nyutiselh, lerwene ꞌenne hoontsꞌi ntsꞌu ha hande tileh.

Genesis 18:18

ꞌalha Abraham ꞌen didoh-un ncha ꞌinkꞌez tube ulhtus tileh. ꞋInkꞌez ꞌen gha tsꞌiyawh didohne ꞌenne soo hoonzoo-un bugha hóotaltsꞌulh.

Genesis 21:13

ꞋEt hoontsꞌi ndun tsꞌeke ꞌulhna ooyaz, ꞌen gha didoh-un tiselh, ntsꞌu hainzut ꞌet huwa.”

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Genesis 26:4

ꞋInkꞌez ntsꞌu haindene, ꞌenne yakꞌuz whusum kꞌunꞌa lhkꞌuz te huldlai hubutilhtselh. ꞋInkꞌez ntsꞌu hainde ꞌen tsꞌiyawh njan yun kꞌut bugha óotasꞌalh. ꞋInkꞌez ntsꞌu haindene, ꞌenne bugha ndi yun kꞌut dune tsꞌiyawh huba soo hoonzoo-i ꞌi butilhtselh.

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 28:3

Yakꞌusda ꞋUkꞌenus ꞋUltus-un ꞋUstꞌoh (El Shaddai) soo cho ncha mba hoonzoo-un ngha hóotaltsꞌulh ꞌinkꞌez lhane hooleh dune huldlaine oohleh.

Genesis 32:12

ꞋUsudini inleꞌ, ‘Hoonzoo mba ootiselh sudini inleꞌ. Mbene la ntsꞌu haindene yatoo ba sai ꞌet ꞌuhultsuk, ꞌaw butsꞌolhto ꞌaitꞌoh butalhtselh.’”

Genesis 32:13

ꞋEt ꞌulhdzis nyo ꞌet hantez ꞌinkꞌez ndai la yula kꞌeyankat-i, ꞌi dulhutsin Esau yutsꞌi tilhdulh.

Genesis 35:11

ꞋInkꞌez ꞌet cha Yakꞌusda (Elohim) ꞌuyulhni, “Si Yakꞌusda ꞋUkꞌenus ꞋUltus-un (El Shaddai) ꞌen ꞌustꞌoh. Lhai cho ntsꞌu ha ookat ꞌinkꞌez lhai cho ooleꞌ didohne ꞌinkꞌez dune didohne tsꞌiyawh ꞌenne ntsꞌu ha hutidoh, ꞌinkꞌez lerwene ꞌenne nyustꞌe tsꞌu ha hutidulh.

Genesis 46:3

ꞋInkꞌez ꞌutni, “Yakꞌusda (El) ꞌustꞌoh, mbá ooYakꞌusda (Elohim). ꞋAw wheniljut whe Egypt tsꞌe tonyaꞌ junih, nyun tube didoh-un ncha-un ꞌet nyutiselh.

Hebrews 11:12

ꞋEt huwa ꞌilhoghun dune nisjan kꞌet ꞌantsꞌi dazsai leꞌ ꞌuntꞌoh, ꞌet hoontsꞌi yé dindene huldlai. Ndoghi sum ꞌi bundeíniltsukne ꞌinkꞌez taba sai ꞌaw oonolto ꞌaitꞌoh, ꞌet ꞌuhuniltsuk ꞌenne hiye ndunne hinli.

Revelation 7:9

ꞋEt hukwꞌelhꞌaz whunisꞌen ꞌinkꞌez lhane dune, huldlai kꞌet ꞌaw ꞌubutsꞌolhto ꞌaitꞌoh, ꞌenne ubunusꞌen. Lhelhdun keyoh whutꞌenne, lhelhdoh didowhne. Yinka duneꞌne cha. Tsꞌiyawh lhelhtsꞌun unꞌa yalhdukne ꞌuhintꞌoh. ꞋEnne tsꞌiyawh kwꞌutsꞌuzda cho diztiꞌ-i ꞌinkꞌez ꞌusbaiyaz hibut núdilhya. Tsꞌiyawh ꞌulhyul-i nahuyitsꞌuz-i be dune hinli ꞌinkꞌez ꞌul tlꞌotel, ꞌi nahídule.