Genesis 13:15 - Yak'usda Ooghuni

¹⁵ Ndai la yun nilhꞌen-i ꞌilhiz wheni tsꞌiyawh ntsꞌu haindene tubulh ꞌi nohgha nusꞌai.

Genesis 13:15 Iomraidhean Croise

Genesis 12:7

ꞋEt Moodihti (Yahweh) Abram yunalhtsꞌet hainya ꞌinkꞌez ꞌuyulhni, “Mbene la ntsꞌu haindene ꞌenne ndi yun bugha ítasꞌalh.” ꞋEt Moodihti (Yahweh) yunalhtsꞌet hainya-un ꞌen yutsꞌun loodel ꞌinla.

Genesis 13:17

Dudinyaih ꞌinkꞌez yun kꞌinyaih inyalh, dawhulhyiz la ꞌinkꞌez dawhulhtel la ndi yun ꞌi ngha tisꞌalh ꞌet huwa.”

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 15:7

ꞋEt ꞌuyulhni, “Si, Moodihti (Yahweh) ꞌustꞌoh. Ndunne Chaldea whutꞌen, ꞌet buyun kꞌut Ur, ꞌet whuchꞌa njan yun kꞌut nchꞌeꞌ whutileh ha.”

Genesis 18:18

ꞌalha Abraham ꞌen didoh-un ncha ꞌinkꞌez tube ulhtus tileh. ꞋInkꞌez ꞌen gha tsꞌiyawh didohne ꞌenne soo hoonzoo-un bugha hóotaltsꞌulh.

Genesis 24:7

Yakꞌuz whuMoodihti Yakꞌusda (Yahweh Elohim) ꞌen sbá ooyoh ꞌinkꞌez ookeyoh whuz de ha salhti, sulh yailhduk ꞌinkꞌez stsꞌun nahizya ꞌusulhni, ‘Mbene la ntsꞌu haindene ndi yun bugha inusꞌai.’ ꞋEn la oolizas ntso yutilhꞌalh ꞌinkꞌez syeꞌ ooꞌat yutaleh-un ꞌen whuz de ha talhtelh.

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 28:4

Abraham ye soo hoonzoo-un whusaínkat, ꞌi cha ntsꞌun tookat, nyun cha ꞌinkꞌez ntsꞌu ha hande nyulh ꞌuhintꞌoh ꞌenne cha. ꞋEt sih njan yun kꞌut nohchꞌeꞌ ooleꞌ, ꞌet ꞌutsꞌun hoontꞌen inli. Njan ꞌet Yakꞌusda (Elohim) ꞌen Abraham yugha óoniꞌai inleꞌ.”

Genesis 35:12

Yun Abraham ꞌinkꞌez Isaac bulh bugha inusꞌai-i, ꞌi ngha nusꞌai. Ntsꞌu haindene nkꞌelhꞌazne, ndi yun nohgha nusꞌai.”

Genesis 48:4

ꞋInkꞌez ꞌusulhni, ‘Whunilhꞌen lhane ntsꞌu ha tidoh dune lhane whe ntsꞌu ha hutidoh, ꞌinkꞌez ndi yun ꞌi ntsꞌu haindene nkꞌelhꞌaz de ꞌilhiz wheni bugha itasꞌalh.’

Genesis 50:24

ꞋInkꞌez Joseph dulhutsinke ꞌubulhni, “ꞋAwet datisah, ꞌet hoontsꞌi Yakꞌusda (Elohim) ꞌalha nohtsꞌun nutiyalh ꞌinkꞌez ndi yun chꞌa nanohtalelh, ꞌinkꞌez Abraham, Isaac ꞌinkꞌez Jacob cha yun butsꞌi yooziꞌ-i, whuz nanohtilelh.”

Matthew 5:5

Yo údudildzunne, ꞌenne ndi yun kꞌut buchꞌeꞌ whutaleh ꞌet huwa ꞌukꞌenus hoonzoo-un bugha whultsꞌut.

Acts 7:5

ꞋAw Yakꞌusda yun ntsool-iyaz hoontsꞌi yughá lhiꞌal ꞌet hoontsꞌi yutsꞌú yoozi whe ndúyulhni, ‘Nyun ꞌinkꞌez mbe la nye dútadulhne, ꞌenne ndi yun buchꞌeꞌ tileh.’ ꞋEt ꞌoh daꞌ Yakꞌusda ndúyulhni whe Abraham ꞌaw buzkeh hooloh inleꞌ.