Genesis 13:13 - Yak'usda Ooghuni

¹³ ꞋEt hoontsꞌi nyoonne Sodom dunene tubeh hintsiꞌ, ꞌinkꞌez Moodihti (Yahweh) chꞌaz lubeshi ꞌuhulhꞌen.

Genesis 13:13 Iomraidhean Croise

Genesis 10:9

ꞋEn ꞌuntꞌoh Moodihti (Yahweh) bunalh soo tube cho ꞌukaꞌ ꞌutꞌen-un unli. ꞋEt huwa ꞌuwhutni, “Nimrod kꞌunꞌa Moodihti (Yahweh) bunalh soo tube cho ꞌukaꞌ ꞌutꞌen-un unli.”

Genesis 15:16

ꞋEt whulh dit dune nawhusdli-un, ꞌet ndiz nahutidulh. Amor whutꞌenne tankꞌus unꞌa ꞌuhutꞌen-un ꞌawhuz lhalhodusne.”

Genesis 18:20

ꞋInkꞌez Moodihti (Yahweh) ꞌutni, “Sodom ꞌinkꞌez Gomorrah bulh tube huwu yaduk hooni, hiye tankꞌus-i tube ntsiꞌ.

Genesis 19:13

Sdabe cha ꞌuwhudija njan keyoh hoontsiꞌ huwu yaduk, ꞌet huwa njan gak tsꞌotilhtselh. Moodihti (Yahweh) whunilhꞌen whe, ꞌen Moodihti (Yahweh) ꞌen ndiz netilhꞌaꞌ njan gak tsꞌotilhtselh ha.”

Genesis 38:7

ꞋEt hoontsꞌi Judah ooyeꞌ ꞌudetso Er, ꞌen Moodihti (Yahweh) bunalh whe nintaꞌutꞌih, ꞌinkꞌez Moodihti (Yahweh) ꞌen Er yuzilhghi.

Genesis 39:9

ꞋAw njan yoh ꞌaw sanus ꞌulchone hooloh. ꞋAw hoonli cha schꞌa nulhonulhꞌiꞌ. ꞋEt ꞌandit nyun ꞌen ooꞌat inli, ꞌet huwa ntsꞌenꞌa ꞌutisnelh lheꞌwhulcho-un, lheꞌwhultsiꞌ-un ꞌet ꞌutisnelh ꞌinkꞌez Yakꞌusda oochꞌaz lubeshi nedutasdalh?”

Genesis 6:11

Yakꞌusda (Elohim) oonalh ndi yun kꞌut ndulcho dune nintaꞌhonilhꞌen ꞌinkꞌez dune lhezudla-un, dulcho whe whudizbun.

Matthew 9:10

Jesus yeyoh tsꞌe daninya ꞌinkꞌez buzih usda bula naꞌutꞌalh whe sooniya ꞌilhunaoosꞌaihne ꞌinkꞌez lubeshi ꞌulhꞌenne, cha yoh dahunindil ꞌinkꞌez Jesus yugha hodulꞌehne bula nahutꞌalh.

Matthew 9:13

ꞋEt hoontsꞌi ꞌahdulh ꞌinkꞌez hodulhꞌeh daja ni whe ꞌutni, ‘ꞋUyoonne gha teꞌntihzilh ꞌet nohtsꞌo hukwaꞌ nuszun. Loodel kꞌut hidutalhkꞌun-i, ꞌi ooka lheꞌnúszun.’ ꞋAw tsꞌihꞌun ꞌuntꞌohne, ꞌenne iloh bubeni naháhundunooleh huba whusásya. Lubeshi ꞌulhꞌenne, dulubeshi chꞌaz bubeni naháhundunooleh ubudutásnilh ha whusásya.”

John 9:24

ꞋEt doo cha za ndun dune hoos̱ꞌen inleꞌ-un, “ꞋAnih,” huyúlhni, ꞌinkꞌez ꞌuhutni, “Njan daínja-un la Yakꞌusda ꞌen ooba whudílhtiꞌ, ꞌaw ndun dune ꞌen íloh, tꞌetsꞌonínzun lubeshi ꞌulhꞌen-un ꞌuntꞌoh ꞌet huwa.”

John 9:31

Tꞌetsꞌonínzun Yakꞌusda ꞌaw lubeshi ꞌulhꞌenne lhuboozílhtsꞌai. ꞋEt mbene la Yakꞌusda tsꞌu téniꞌ nilhdzunne, ꞌinkꞌez butsꞌu húkwaꞌ ninzun te neꞌútꞌenne, ꞌenne za uboozílhtsꞌai.

Romans 1:27

Whulohne dune cha whuz unꞌa zaꞌ hutꞌen. Dune tsꞌekoo bulh Yakꞌusda wheni ꞌubinla-un, ꞌet whula hudutni. Hudízkꞌun kꞌunꞌa dudulh dune bukaꞌ huninzun ꞌinkꞌez hukwaya hoonli te bubulh neꞌhutꞌen. ꞋEt ndahútꞌen-un ꞌet huwa buyustꞌe dada za dubih, ꞌet bugha whúltsꞌuk.

Hebrews 4:13

ꞋInkꞌez ndai la ndi yun kꞌut ꞌutsꞌulhꞌen-i ꞌaw ꞌilhoghi Yakꞌusda oochꞌa ntistꞌi-i hooloh. Tsꞌiyantsuk whunilhꞌen, ꞌinkꞌez ꞌantsꞌi ꞌi kwꞌunꞌaꞌtizbal leꞌ ꞌuntꞌoh. Yakꞌusda ꞌen datsꞌitꞌen-un, ꞌet tsꞌiyawh uzdutánelh wheꞌ hoontꞌoh.

2 Peter 2:10

Mbene soo ꞌukꞌenus buyustꞌe whudutsun-un za whutsꞌu níntꞌine ꞌinkꞌez bumoodihne buba ꞌantsꞌi hinli whe bukꞌu nulheꞌustꞌen. ꞋEnne ꞌuhududíltiꞌ ꞌinkꞌez hukwaꞌ huninzun tuneꞌ hutꞌen. Nyoonne nchane ꞌaw whelhoniljut whe hoontsiꞌ hukwꞌunꞌa bughu yahalhduk.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.