Genesis 13:11 - Yak'usda Ooghuni

¹¹ ꞋEt Lot nyo yun kꞌut Jordan whunat tsꞌiyawh ꞌet ꞌutahaooditꞌai, ꞌinkꞌez ndaꞌ wheinya ꞌet ꞌinkꞌez ꞌet lhchꞌa hustꞌaz.

Genesis 13:11 Iomraidhean Croise

Genesis 13:10

ꞋEt Lot whunilhꞌen Jordon keyoh duchun hooloh-un tsꞌiyawh yunilhꞌen. Too cha lhai wheꞌ hoontꞌoh, (Moodihti (Yahweh) Sodom ꞌinkꞌez Gomorrah bulh gak whutilhtselh whutsꞌo), Moodihti (Yahweh) ha nuyeh kꞌet ꞌet nduhoontꞌoh inleꞌ, Egypt dahoontꞌoh la Zoar tsꞌu wheti tsꞌe, ꞌet nduhoontꞌoh.

Genesis 13:12

Abram ꞌen Canaan keyoh ꞌet nenina ꞌinkꞌez Lot ꞌen keyoh whuti duchun hooloh-un ꞌinkꞌez ꞌet nimbali neninꞌai Sodom whutsꞌun.

Genesis 13:14

ꞋEt Moodihti (Yahweh) ꞌen Abram ꞌuyulhni Lot bulh lhchꞌa hustꞌaz hukwꞌelhꞌaz whe, “Whunilhꞌen ndet sinyin ꞌet whutsꞌun whunilhꞌen, no cha, nyan cha, ndaꞌ cha, ꞌinkꞌez nooꞌ cha.

Genesis 13:9

Nyoo yun lheꞌulcho-i nilhꞌen. Schꞌa sinyaiꞌ ꞌintlꞌus tsꞌe whuz inyalh ꞌinkꞌez si cha nailhni tsꞌe toosyaꞌ, kꞌus nyun nailhni tsꞌe inyalh ꞌinkꞌez si ꞌintlꞌus tsꞌe si toosyaꞌ.”

Genesis 19:17

ꞋEt ꞌuhooja tsꞌiyawh teboninla hiyulhni, “Soo ꞌa tulhghas ꞌududoolhyih sih! Khun te kꞌoh naitohtꞌen junih, kꞌus njan ꞌet te dolhtsꞌiꞌ junih, dzulh kꞌuz tsꞌe uhdulh doo ka sih gak oohleꞌ!”

Hebrews 10:25

Ntsꞌenꞌa la ꞌahoolhyiz ꞌilhunatsꞌodulh-un khun te whulazdootnih junih! Whulohne ꞌetsul ꞌuhutꞌih. ꞋEt hoontsꞌi ꞌawet ꞌudekꞌez dzin whuz de hóoltsꞌulh-un ꞌawet neba nilhdukw suliꞌ. ꞋEt huwa ꞌon nus soo cho nus lhtsꞌunooltꞌi whe ꞌahoolhyiz Yakꞌusda ba ꞌilhunatsꞌódilh hubaꞌ hoontꞌoh.

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.