Genesis 13:10 - Yak'usda Ooghuni

¹⁰ ꞋEt Lot whunilhꞌen Jordon keyoh duchun hooloh-un tsꞌiyawh yunilhꞌen. Too cha lhai wheꞌ hoontꞌoh, (Moodihti (Yahweh) Sodom ꞌinkꞌez Gomorrah bulh gak whutilhtselh whutsꞌo), Moodihti (Yahweh) ha nuyeh kꞌet ꞌet nduhoontꞌoh inleꞌ, Egypt dahoontꞌoh la Zoar tsꞌu wheti tsꞌe, ꞌet nduhoontꞌoh.

Genesis 13:10 Iomraidhean Croise

Genesis 11:27

ꞋEt Terah tsꞌu haindene: ꞌenne Abram, Nahor ꞌinkꞌez Haran. Haran ꞌen Lot ooyeꞌ suliꞌ.

Genesis 13:11

ꞋEt Lot nyo yun kꞌut Jordan whunat tsꞌiyawh ꞌet ꞌutahaooditꞌai, ꞌinkꞌez ndaꞌ wheinya ꞌet ꞌinkꞌez ꞌet lhchꞌa hustꞌaz.

Genesis 13:9

Nyoo yun lheꞌulcho-i nilhꞌen. Schꞌa sinyaiꞌ ꞌintlꞌus tsꞌe whuz inyalh ꞌinkꞌez si cha nailhni tsꞌe toosyaꞌ, kꞌus nyun nailhni tsꞌe inyalh ꞌinkꞌez si ꞌintlꞌus tsꞌe si toosyaꞌ.”

Genesis 14:2

Bera huyulhni, Sodom whulerwe, Birsha huyulhni Gomorrah whulerwe, Shinab Admah whulerwe, Shemeber Zeboiim whulerwe, ꞌinkꞌez Bela whulerwe, ꞌenne bubulh lhuwhehunigan.

Genesis 14:8

ꞋInkꞌez Sodom whulerwe, Gomorrah whulerwe, Admah whulerwe ꞌinkꞌez Zeboi whulerwe ꞌinkꞌez Bela whulerwe, Zoar huwhutni ꞌenne tsꞌiyawh lhtsꞌu nehudindil ꞌinkꞌez Sidom dzulh eguz whuzꞌai-un ꞌet whelhonigan.

Genesis 3:6

ꞋEt tsꞌeke duchun tsꞌuꞌalh huba unzoo, nulꞌen huba cha unzoo, duchun tsꞌuwhunih netilhtselh huba ookaꞌ whuninzun, oomaiꞌ yilhchoot ꞌinkꞌez yanꞌal, duki cha yuloh yutlꞌa nanꞌai ꞌinkꞌez ꞌen cha yanꞌal.

Genesis 47:6

Egypt yun kꞌut mbut whuzꞌai, mbá ꞌinkꞌez nyulhutsinke ꞌukꞌenus ndi yun unzoo-i Goshen yun kꞌut, ꞌet huwhutitꞌelh. ꞋEt ꞌenne butoh soo ꞌukꞌenus tsꞌihꞌun neꞌutꞌen-i ꞌinkꞌez ꞌuyoo unline, ꞌenne butoh hoonli de, ꞌenne ndi sghunaꞌ, tsꞌiyawh himoodih ooleꞌ.”

Genesis 6:2

Yakꞌusda (Elohim) ooyeꞌke ꞌenne ndunne tsꞌekoo dune ootseꞌkene huhinzoo hubonilhꞌen. ꞋInkꞌez mbene la bukaꞌ huninzunne ꞌenne tsꞌekoo bubu hilhchoot, buꞌatke holeꞌ ha.