Genesis 12:8 - Yak'usda Ooghuni

⁸ ꞋEt whutsꞌun Bethel huwhutni-un dzulh hoonli ꞌon daꞌ whuz wheinya, ꞌet nimbali neninꞌai ba nooꞌ ꞌet. Bethel ꞌinkꞌez ꞌon daꞌ ꞌet Ai ꞌet loodel neninꞌai. Moodiht (Yahweh) tsꞌun ꞌinkꞌez Moodihti (Yahweh) yooziꞌ ꞌi yukaꞌ daniꞌ.

Genesis 12:8 Iomraidhean Croise

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 13:3

ꞋEt hutizdil Bethel whutsꞌun hutizdil ndet daꞌ ꞌudaꞌ nimbali neninꞌai inleꞌ ꞌet ꞌudechoo whutsꞌun Bethel ꞌinkꞌez Ai whulhetoh whuz hoozdil.

Genesis 13:4

ꞋUdechoo loodel neninꞌai inleꞌ ꞌet whutsꞌun ꞌet whuz hoozdil. ꞋEt Abram Moodihti (Yahweh) yutsꞌun tenadidli.

Genesis 21:33

ꞋEt Abraham nyo Beersheba ꞌet tamarisk duchun ꞌi nyoh ꞌet ꞌainanla, ꞌinkꞌez ꞌet Moodihti (Yahweh Olam) yuka huyih, ꞌen ꞌilhiz wheni Yakꞌusda (El) unli.

Genesis 22:9

ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.

Genesis 26:25

ꞋEt nyo loodel ꞌinla ꞌinkꞌez Moodihti (Yahweh) yuka huyih ꞌinkꞌez ꞌet nimbali neninꞌai. ꞋEt doo cha Isaac yuba ꞌutꞌenne too kꞌet ha honkai.

Genesis 28:19

ꞋInkꞌez nyo ꞌet booziꞌ huwa dinꞌai, Bethel whulhni, ꞌet keyoh whutsodaꞌ ꞌet Luz huwhutni inleꞌ.

Genesis 31:25

ꞋEt Laban, Jacob yutꞌasuya nyo Jacob nimbali neninꞌai dzulh toh, ꞌinkꞌez Laban dulhutsinke tubulh nyo ꞌet nimbali nehuninꞌai Gilead whudzulh whutoh.

Genesis 33:20

ꞋEt nyo loodel ꞌinla ꞌinkꞌez El Elohe Israel whulhni.

Genesis 35:3

ꞋInkꞌez duzdodilh, ꞌinkꞌez Bethel tsꞌe uztoodilh. ꞋEt Yakꞌusda (El) tsꞌun loodel ꞌoosleh sih, mbe la dzin dzoh nuzut-un sulh ꞌutꞌen whe whesya.”

Genesis 35:7

ꞋInkꞌez ꞌet loodel ꞌinla, ꞌinkꞌez nyo ꞌet El Bethel whulhni, ꞌet Yakꞌusda nghu ninya inleꞌ, bulhutsin chꞌa tse tilhya whe.

Genesis 4:26

Seth cha ooyeꞌ whuzdliꞌ, Enosh yulhni. ꞋEt ndoh dzin dunene Moodihti (Yahweh) booziꞌ be ka whehuninyih.

Genesis 8:20

ꞋEt Nowe ꞌen Moodihti (Yahweh) tsꞌun loodel ꞌuzdilhkꞌun kꞌut, ꞌi ꞌinla, ꞌinkꞌez ndai la khuna-i ꞌaw lhditsun-i, ꞌinkꞌez ndai la dutꞌai ꞌaw lhditsun-i cha, ꞌohwhi ꞌi kꞌut yudalhkꞌun.

Acts 2:21

ꞋEt ndet la whusahónzut-un, ꞌet whusaóotiltsꞌulh mbene la neMoodihti hudutijih hitsꞌu hukwa ꞌutnine, ꞌenne hudutijih.’”

1 Corinthians 1:2

Keyoh Corinth tsꞌe Yakꞌusda ba ꞌilhunaoosdilne hinli, nohni ndi ꞌudustlꞌus kꞌut nohtsꞌo kꞌeꞌusges. Christ Jesus ꞌen oochꞌeꞌne ꞌahli ꞌinka ꞌet whe Yakꞌusda ba ꞌudun nenohninla. Yakꞌusda oochꞌeꞌne nohuwhutni. Nohni ꞌinkꞌez mbene la neMoodihti Jesus Christ yooziꞌ be yutsꞌu tedudlihne, ꞌenne cha Yakꞌusda oochꞌeꞌne ꞌuhintꞌoh. ꞋEnne buMoodihti unli ꞌinkꞌez wheni cha neMoodihti unli.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.