Genesis 12:7 - Yak'usda Ooghuni

⁷ ꞋEt Moodihti (Yahweh) Abram yunalhtsꞌet hainya ꞌinkꞌez ꞌuyulhni, “Mbene la ntsꞌu haindene ꞌenne ndi yun bugha ítasꞌalh.” ꞋEt Moodihti (Yahweh) yunalhtsꞌet hainya-un ꞌen yutsꞌun loodel ꞌinla.

Genesis 12:7 Iomraidhean Croise

Genesis 12:8

ꞋEt whutsꞌun Bethel huwhutni-un dzulh hoonli ꞌon daꞌ whuz wheinya, ꞌet nimbali neninꞌai ba nooꞌ ꞌet. Bethel ꞌinkꞌez ꞌon daꞌ ꞌet Ai ꞌet loodel neninꞌai. Moodiht (Yahweh) tsꞌun ꞌinkꞌez Moodihti (Yahweh) yooziꞌ ꞌi yukaꞌ daniꞌ.

Genesis 13:15

Ndai la yun nilhꞌen-i ꞌilhiz wheni tsꞌiyawh ntsꞌu haindene tubulh ꞌi nohgha nusꞌai.

Genesis 13:17

Dudinyaih ꞌinkꞌez yun kꞌinyaih inyalh, dawhulhyiz la ꞌinkꞌez dawhulhtel la ndi yun ꞌi ngha tisꞌalh ꞌet huwa.”

Genesis 13:18

ꞋEt Abram dunimbali nanayanꞌai ꞌinkꞌez ndun Mamre ooduchun, Terebinth huyulhni, ꞌet nenina. Keyoh Hebron ꞌuhoontꞌoh ꞌinkꞌez ꞌet loodel ꞌinla Yakꞌusda tsꞌun.

Genesis 13:4

ꞋUdechoo loodel neninꞌai inleꞌ ꞌet whutsꞌun ꞌet whuz hoozdil. ꞋEt Abram Moodihti (Yahweh) yutsꞌun tenadidli.

Genesis 15:18

ꞋEt dzin za Moodihti (Yahweh) Abram tsꞌun khuni ooba lhaidinla whe njan ndutni, “Ntsꞌu haindene ꞌenne ndi yun bugha óonusꞌai, Egypt whedinli tsꞌun ꞌinkꞌez ndi ꞌukoh whucho, ꞌet Euphrates ꞌukoh whucho ꞌet.

Genesis 17:1

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

Genesis 17:3

ꞋEt Abram yubut nachanitno ꞌinkꞌez Yakꞌusda (Elohim) ꞌen yulh yalhduk, njan ꞌuyulhni,

Genesis 17:8

ꞋInkꞌez cha nyun cha ꞌinkꞌez ntsꞌu haindene nkꞌelhꞌaz, ndi yun nohgha nusꞌai, ꞌawhuz ꞌet tꞌenyuzinzun, Canaan yun tsꞌiyawh nohchꞌeꞌ ooleꞌ ꞌilhiz wheni, ꞌinkꞌez buYakꞌusda tisleh.”

Genesis 18:1

ꞋEt Moodihti (Yahweh) ꞌen Abraham yunalh hainya, njan ndun Mamre, duchun tꞌah terebinth, oak huyulhni, whuꞌiz whunilghaz whe nimbali dati ꞌet usda.

Genesis 22:9

ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.

Genesis 24:7

Yakꞌuz whuMoodihti Yakꞌusda (Yahweh Elohim) ꞌen sbá ooyoh ꞌinkꞌez ookeyoh whuz de ha salhti, sulh yailhduk ꞌinkꞌez stsꞌun nahizya ꞌusulhni, ‘Mbene la ntsꞌu haindene ndi yun bugha inusꞌai.’ ꞋEn la oolizas ntso yutilhꞌalh ꞌinkꞌez syeꞌ ooꞌat yutaleh-un ꞌen whuz de ha talhtelh.

Genesis 26:25

ꞋEt nyo loodel ꞌinla ꞌinkꞌez Moodihti (Yahweh) yuka huyih ꞌinkꞌez ꞌet nimbali neninꞌai. ꞋEt doo cha Isaac yuba ꞌutꞌenne too kꞌet ha honkai.

Genesis 26:3

Ndi yun ꞌi kꞌut hontꞌe ꞌinkꞌez nyulh ꞌutistꞌelh, ꞌinkꞌez mba soo hoonzoo-i ubooselh. Nyun cha ꞌinkꞌez ntsꞌu haindene cha ndi yun bugha inusꞌai, ndet la mbá Abraham ootsꞌu nahizusya-i, ꞌi lhadutisleh ꞌet huwa.

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:4

Abraham ye soo hoonzoo-un whusaínkat, ꞌi cha ntsꞌun tookat, nyun cha ꞌinkꞌez ntsꞌu ha hande nyulh ꞌuhintꞌoh ꞌenne cha. ꞋEt sih njan yun kꞌut nohchꞌeꞌ ooleꞌ, ꞌet ꞌutsꞌun hoontꞌen inli. Njan ꞌet Yakꞌusda (Elohim) ꞌen Abraham yugha óoniꞌai inleꞌ.”

Genesis 32:30

ꞋInkꞌez Jacob nyoo boozi, “Penuel,” whulhni, “Yakꞌusda soo oonin tsꞌe ꞌusꞌen ꞌinkꞌez ꞌaw dalhusnel,” ni ꞌet huwa.

Genesis 33:20

ꞋEt nyo loodel ꞌinla ꞌinkꞌez El Elohe Israel whulhni.

Genesis 35:12

Yun Abraham ꞌinkꞌez Isaac bulh bugha inusꞌai-i, ꞌi ngha nusꞌai. Ntsꞌu haindene nkꞌelhꞌazne, ndi yun nohgha nusꞌai.”

Genesis 35:7

ꞋInkꞌez ꞌet loodel ꞌinla, ꞌinkꞌez nyo ꞌet El Bethel whulhni, ꞌet Yakꞌusda nghu ninya inleꞌ, bulhutsin chꞌa tse tilhya whe.

Genesis 50:24

ꞋInkꞌez Joseph dulhutsinke ꞌubulhni, “ꞋAwet datisah, ꞌet hoontsꞌi Yakꞌusda (Elohim) ꞌalha nohtsꞌun nutiyalh ꞌinkꞌez ndi yun chꞌa nanohtalelh, ꞌinkꞌez Abraham, Isaac ꞌinkꞌez Jacob cha yun butsꞌi yooziꞌ-i, whuz nanohtilelh.”

Genesis 8:20

ꞋEt Nowe ꞌen Moodihti (Yahweh) tsꞌun loodel ꞌuzdilhkꞌun kꞌut, ꞌi ꞌinla, ꞌinkꞌez ndai la khuna-i ꞌaw lhditsun-i, ꞌinkꞌez ndai la dutꞌai ꞌaw lhditsun-i cha, ꞌohwhi ꞌi kꞌut yudalhkꞌun.

Acts 7:5

ꞋAw Yakꞌusda yun ntsool-iyaz hoontsꞌi yughá lhiꞌal ꞌet hoontsꞌi yutsꞌú yoozi whe ndúyulhni, ‘Nyun ꞌinkꞌez mbe la nye dútadulhne, ꞌenne ndi yun buchꞌeꞌ tileh.’ ꞋEt ꞌoh daꞌ Yakꞌusda ndúyulhni whe Abraham ꞌaw buzkeh hooloh inleꞌ.

Romans 9:8

Njan ꞌet ꞌudúsni-un, Yakꞌusda ooduneꞌne ꞌaw dune yustꞌe tsꞌu haíndene, ꞌenne íloh ꞌuhintꞌoh. Mbene la khuni ye butsꞌu nahizya-i, buba ꞌalhaꞌ yintꞌohne, ꞌenne Yakꞌusda ooduneꞌne ꞌuhintꞌoh.

Galatians 3:16

ꞋEt Yakꞌusda Abraham ꞌinkꞌez ootsꞌu ha yánzut-un, ndai ye yutsꞌu náhizya, ꞌaw ꞌen za ꞌinkꞌez ootsꞌu ha yánzut-un, ꞌenne za butsꞌú yoozi. ꞋAw Abraham tsꞌu haíndene, ꞌenne iloh ꞌubudusni. ꞋAw lhane iloh ꞌulhni. ꞋEt hoontsꞌi Yakꞌusda ꞌilhoghun dune za ghu yalhduk whe ꞌutni. ꞋEt whuz unꞌa ꞌudija whe Abraham, “Ntsꞌu haínzut-un,” yúlhni. ꞋInkꞌez ndun Christ ꞌen Abraham tsꞌu hainzut-un ꞌuntꞌoh.

Galatians 4:28

ꞋEt sulhutsinke, wheni Isaac kꞌunꞌa ꞌutsꞌintꞌoh. Wheni cha Yakꞌusda Abraham yutsꞌu hoozi-un, ꞌen buzkeh tsinli.

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.