Genesis 12:6 - Yak'usda Ooghuni

⁶ Abram ꞌoh whuya keyoh lhusuya ꞌinkꞌez keyoh Shechem huwhutni-un Moreh duchun Terabim huyulhni, ꞌi nadanꞌa ꞌet whutsꞌun ꞌinkꞌez Canaan whutꞌenne ꞌenne nyo yun kꞌut hudilhtsꞌi.

Genesis 12:6 Iomraidhean Croise

Genesis 10:15

Canaan ꞌen Sidon, ꞌudechoo ooyeꞌ yuzdliꞌ, ꞌinkꞌez Heth;

Genesis 13:7

ꞋEt Abram bughunaiꞌ ghunline ꞌinkꞌez Lot bughunaiꞌ ghunline ꞌenne ꞌaw ꞌulhuholdzin ꞌaitꞌoh. ꞋOh daꞌ ndunne Canaan whutꞌenne ꞌinkꞌez Periz whutꞌenne, ꞌenne cha njan yun kꞌut huwhutꞌi.

Genesis 33:18

ꞋEt Jacob soo dalhinel whe nyo keyoh whuti, Shechem huwhutni, whuz oozya, Canaan yun kꞌut ꞌet whuzꞌai Paddan Aram tsꞌe hainya, ꞌinkꞌez nyo keyoh whuti ꞌet yoo ꞌaz tsꞌe dunimbali neninꞌai.

Genesis 34:2

ꞋInkꞌez Shechem, Hamor ooyeꞌ, nyo keyoh lerwe yeꞌ unli, yutilhꞌen whe yilhchoot ꞌinkꞌez yuchantꞌinteꞌ ꞌinkꞌez nintaꞌyunilhꞌen.

Genesis 34:30

ꞋEt Jacob ꞌen Simeon ꞌinkꞌez Levi ꞌen ndo ꞌubulhni, “Tube sba dzoh ꞌuhja! Ndunne dune ndoh whutꞌine buba ska lheꞌhunizun suliꞌ. Canaan whutꞌenne ꞌinkꞌez Perizz whutꞌenne, tube wheni tsꞌintsool wheꞌ tsꞌintꞌoh, tsꞌiyawh ꞌilhohozdil ꞌinkꞌez la schꞌaz nehudindil ꞌinkꞌez la sozoolhghelh. Gak sotilhtselh syoh whutꞌine cha, si cha.”

Genesis 35:4

ꞋInkꞌez nyoo ꞌutsꞌun keyoh whutꞌenne, dantꞌi ꞌukꞌeltsi yakꞌusda hitsꞌun tenadudli-i nuhuyule-i, ꞌi tsꞌiyawh Jacob tlꞌa huyanla, ꞌinkꞌez dudzo gwul cha tsꞌiyawh ꞌinkꞌez Jacob nyo duchun, oak huyulhni, ꞌi yucheh ꞌahuyanla.

John 4:5

ꞌinkꞌez Samaria yun kꞌut keyoh Sychar huwhútni tsꞌe oozya. Njan keyoh ꞌet yun kꞌut Jacob duyeꞌ Joseph yugha óoninꞌai ínleꞌ, ꞌet whenghoh whuzꞌai.

Acts 7:16

Buzi ꞌi la keyoh Shechem huwhútni tsꞌe whuz nabuhoozdla. ꞋEt whutsodaꞌ Abraham keyoh Hamor whutꞌenne yunyaz bubonket-i inleꞌ, ꞌi kꞌut ꞌabuhanla.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.