Genesis 12:5 - Yak'usda Ooghuni

⁵ ꞋEt Abram duꞌat yilhchoot ꞌinkꞌez Lot ooꞌat cha hubilhchoot ꞌinkꞌez ndai la huyutꞌi-i cha tsꞌiyawh nahuyalhdzoo ꞌinkꞌez mbe la dune bugha nindene ꞌenne cha Haran, Canaan tsꞌe yun kꞌuz whehandil ꞌinkꞌez Canaan nehunindil.

Genesis 12:5 Iomraidhean Croise

Genesis 10:19

Canaan whutꞌenne whukeyoh whuban ꞌet Sidam, Girard tsꞌu wheti-un Gaza ꞌuwhuldzoh, Sodom tsꞌu wheti-un Gomorrah, Admah, Zeboim, Lasha tsꞌe ꞌuwhuldzoh.

Genesis 11:27

ꞋEt Terah tsꞌu haindene: ꞌenne Abram, Nahor ꞌinkꞌez Haran. Haran ꞌen Lot ooyeꞌ suliꞌ.

Genesis 11:31

ꞋInkꞌez Terah duyeꞌ Abraham, duchai Lot te, Haran ooyeꞌ ꞌinkꞌez duyasꞌat, Sarai duyeꞌ, Abram ooꞌat cha. Ur, Chaldean bukeyoh, ꞌet Canaan tsꞌe whehandil, keyoh Haran highu nindil ꞌinkꞌez ꞌet huhootꞌeꞌ.

Genesis 13:5

Lot ꞌen cha Abram bubulh tizya, khuna-i cha, musdoos cha, ꞌinkꞌez nimbali cha, lhai cha ꞌutꞌi.

Genesis 13:6

Ndi yun ꞌaw soo lheꞌilcho hikꞌoh hutinalh huba ꞌaw lhzih huhootꞌeꞌ ꞌaitꞌoh, tube lhai hoonli tsꞌiyai hutꞌi kꞌet.

Genesis 14:14

ꞋEt Abram bulhutsin Lot huyulhna huyulhni whe duduneꞌne 318 ꞌenne hodilꞌeꞌne yuba ꞌutꞌenne, Abram hiyoh whuzdline, ꞌenne buba untizyoot keyoh Dan whutsꞌun.

Genesis 14:21

ꞋEt Sodom whulerwe Abram yulhni, “Dune ꞌenne sgha buninle ꞌinkꞌez ndai la hoonli-i, ꞌi nyunchꞌoh ilhchoot.”

Genesis 28:10

ꞋAndit ꞌet Jacob ꞌen Beersheba whuz de ha naja ꞌinkꞌez keyoh Haran tsꞌun whenya.

Genesis 36:6

ꞋEt Esau duꞌatke, duyeꞌke, dutseꞌke ꞌenne mbene la yuyoh whutꞌine, tsꞌiyawh musdoos cha ꞌinkꞌez khuna-i, ndai la yutꞌi-i oogha ininde-i Canaan okhi yilhchoot ꞌinkꞌez dulhutsin Jacob yughu whenya.

Acts 7:4

ꞋEt Abraham Chaldea yun kꞌut whuchꞌa súya ꞌinkꞌez Haran tsꞌe oozya. ꞋEt hukwꞌelhꞌaz oobá dazsai whe ndi yun ꞌandit ookꞌu dúlhtsꞌi Yakꞌusda whuz whe yálhꞌaꞌ.