Genesis 12:2 - Yak'usda Ooghuni

² Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 12:2 Iomraidhean Croise

Genesis 13:16

ꞋInkꞌez ntsꞌu ha hande ꞌenne yun kꞌut lhez kꞌunꞌa butiselh. ꞋEt whe dune yun kꞌut lhez hodutilhto de, ꞌet si ntsꞌu haindene ꞌenne cha si bulh olto.

Genesis 15:5

ꞋEt nꞌaz teinilhti ꞌinkꞌez ꞌuyulhni, “Ndo yakꞌuz tsꞌe whunilhꞌen sum hoolhto hukwa soo tila holhto.” ꞋInkꞌez ꞌet ꞌuyulhni, “Mbene la ntsꞌu haindene ꞌet ꞌuhutiltsuk.”

Genesis 17:20

ꞋInkꞌez Ishmael ꞌen ghun nyudastsꞌo. Whunilhꞌen soo hoonzoo-un oogha whultsꞌut, ꞌinkꞌez lhane ootsꞌu hainde tileh. Whunizyane ꞌon ꞌat nane lerwe yeꞌke ootsꞌu ha tidoh ꞌinkꞌez ꞌen didoh-un ncha tíselh.

Genesis 18:18

ꞌalha Abraham ꞌen didoh-un ncha ꞌinkꞌez tube ulhtus tileh. ꞋInkꞌez ꞌen gha tsꞌiyawh didohne ꞌenne soo hoonzoo-un bugha hóotaltsꞌulh.

Genesis 18:19

Tꞌeniszin duduzke bukꞌunuhilhyeꞌ, yoh whutꞌine cha bukꞌelhꞌaz Moodihti (Yahweh) ookwꞌunꞌa huhoontun zaꞌ hintꞌoh tsꞌihꞌun neꞌhutꞌen, ꞌet de la Moodihti (Yahweh) Abraham daja yulhni-un ꞌet yugha whutalelh.”

Genesis 19:29

ꞋEt ꞌuhooja Yakꞌusda (Elohim) nyo keyoh gak whulhtsi hukwꞌelhꞌaz ꞌet Yakꞌusda (Elohim) Abraham nalnih ꞌinkꞌez Lot nyo hootꞌeꞌ-un keyoh gak whulhtsi ꞌuchꞌa nayulhꞌa ꞌinkꞌez ꞌutsꞌun whe yalhꞌaꞌ.

Genesis 24:1

Abraham ꞌawet tube yoo ꞌun uzulh ꞌinkꞌez Moodihti (Yahweh) tsꞌiyaitsuk Abraham soo hoonzoo-un ba whulhtsi.

Genesis 24:35

Moodihti (Yahweh) ꞌen smoodih tube soo hoonzoo-un yuba whulhtsi ꞌinkꞌez dune ncha-un suliꞌ. Khuna-i didoh-i tsꞌiyawh ꞌinkꞌez silver ꞌinkꞌez diztiꞌ-i gold duntꞌi-i, ꞌinkꞌez dune cha, tsꞌekoo yuba ꞌutꞌenne cha ꞌinkꞌez ndi camel cha ꞌinkꞌez donkey cha lhai yugha ninla.

Genesis 25:11

ꞋEt whe lhuwhuzut Abraham dazsai hukwꞌelhꞌaz, ꞌet Yakꞌusda (Elohim) ꞌen ooyeꞌ Isaac soo hoonzoo-un yubaꞌ hoonla. ꞋInkꞌez Isaac ꞌen Beer Lahai Roi ꞌet whutꞌi.

Genesis 26:3

Ndi yun ꞌi kꞌut hontꞌe ꞌinkꞌez nyulh ꞌutistꞌelh, ꞌinkꞌez mba soo hoonzoo-i ubooselh. Nyun cha ꞌinkꞌez ntsꞌu haindene cha ndi yun bugha inusꞌai, ndet la mbá Abraham ootsꞌu nahizusya-i, ꞌi lhadutisleh ꞌet huwa.

Genesis 26:4

ꞋInkꞌez ntsꞌu haindene, ꞌenne yakꞌuz whusum kꞌunꞌa lhkꞌuz te huldlai hubutilhtselh. ꞋInkꞌez ntsꞌu hainde ꞌen tsꞌiyawh njan yun kꞌut bugha óotasꞌalh. ꞋInkꞌez ntsꞌu haindene, ꞌenne bugha ndi yun kꞌut dune tsꞌiyawh huba soo hoonzoo-i ꞌi butilhtselh.

Genesis 27:29

Dune cha nyunat neꞌhootꞌen ꞌinkꞌez didohne cha mba nacha hunooldulh. Nyulhutsinke cha bumoodih ꞌonleꞌ, ꞌinkꞌez nloo buzkeh, ꞌenne cha mbut nacha hunooldulh. Mbene la nkꞌehuyihne ꞌenne cha bukꞌehoodeh, mbene la soo hoonzoo-un ntsꞌun hutizooꞌ, ꞌenne cha soo hoonzoo-un bugha hóotaltsꞌulh.”

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 35:11

ꞋInkꞌez ꞌet cha Yakꞌusda (Elohim) ꞌuyulhni, “Si Yakꞌusda ꞋUkꞌenus ꞋUltus-un (El Shaddai) ꞌen ꞌustꞌoh. Lhai cho ntsꞌu ha ookat ꞌinkꞌez lhai cho ooleꞌ didohne ꞌinkꞌez dune didohne tsꞌiyawh ꞌenne ntsꞌu ha hutidoh, ꞌinkꞌez lerwene ꞌenne nyustꞌe tsꞌu ha hutidulh.

Genesis 46:3

ꞋInkꞌez ꞌutni, “Yakꞌusda (El) ꞌustꞌoh, mbá ooYakꞌusda (Elohim). ꞋAw wheniljut whe Egypt tsꞌe tonyaꞌ junih, nyun tube didoh-un ncha-un ꞌet nyutiselh.

Romans 4:11

Abraham Yakꞌusda daja yudániꞌ ꞌet ooba ꞌalha ꞌuhoontꞌoh, ꞌet huwa ꞌutni Yakꞌusda tsꞌihꞌun dune yulhni. Yakꞌusda yudániꞌ hititꞌus-un whutsodaꞌ. Hukwꞌelhꞌaz huyúztꞌus ꞌet whe be hóodatꞌen-un tsꞌihꞌun dune ꞌuntꞌoh. ꞋEt huwa mbe la Yakꞌusda daja ni ooba ꞌalha ꞌuhoontꞌohne, ꞌaw buba lheꞌhítꞌus whe bube hóodatꞌen hoontsꞌi, ꞌenne Abraham butso whudilhdzulh ínleꞌ. ꞋEnne cha Yakꞌusda ubúlhni, tsꞌihꞌun ꞌuntꞌohne.

Galatians 3:14

ꞋEt huwa Abraham dawhuldzooꞌ-un ooghá whultsꞌut, ꞌudun yun kꞌut whutꞌenne, ꞌenne cha Christ Jesus gha bugha whútaltsꞌulh. ꞋEt neba ꞌalha ꞌuhoontꞌoh-i, ꞌi be Ndoni netsꞌu yoozi neyudooltsꞌit ha.

Galatians 3:7

ꞌet whuz unꞌa nohni cha tsꞌihꞌun unꞌa tꞌewhunoohzeh ꞌet nohtsꞌu hukwaꞌ nuszun. Mbe oobe ꞌalha ꞌuhoontꞌoh ꞌutꞌine, ꞌenne za Abraham buzkeh hinli.