Genesis 12:1 - Yak'usda Ooghuni

¹ ꞋEt Moodihti (Yahweh) Abram ꞌulhni, “Nkeyoh cha whuchꞌa sinyaiꞌ, nyunatneke cha whuchꞌa sinyaiꞌ, ꞌinkꞌez mbá ooyoh cha teninyaiꞌ, ꞌinkꞌez yun whununtistun-un hoonli.

Genesis 12:1 Iomraidhean Croise

Genesis 15:7

ꞋEt ꞌuyulhni, “Si, Moodihti (Yahweh) ꞌustꞌoh. Ndunne Chaldea whutꞌen, ꞌet buyun kꞌut Ur, ꞌet whuchꞌa njan yun kꞌut nchꞌeꞌ whutileh ha.”

Genesis 20:13

ꞋInkꞌez ꞌet ꞌuhooja Yakꞌusda (Elohim) sbá ooyoh huwutisya whe ꞌet ndun tsꞌeke dusni, ‘Njan whe ꞌinzoo whe ꞌet tsꞌiyantsuk sba ꞌet doneh ntsꞌoh te nitꞌas te, sulhutsin ꞌuntꞌoh doniꞌ.’”

Genesis 24:38

ꞋEt hoontsꞌi sba ooyoh ꞌinkꞌez snatneke butoh ꞌet syeꞌ ba ooꞌat olhchoot.’

Genesis 24:4

ꞋEt hoontsꞌi sichꞌoh skeyoh ꞌinkꞌez sichꞌoh snatneke ꞌenne butoh ꞌet syeꞌ Isaac ooꞌat ooba yitalhchulh.”

Genesis 24:7

Yakꞌuz whuMoodihti Yakꞌusda (Yahweh Elohim) ꞌen sbá ooyoh ꞌinkꞌez ookeyoh whuz de ha salhti, sulh yailhduk ꞌinkꞌez stsꞌun nahizya ꞌusulhni, ‘Mbene la ntsꞌu haindene ndi yun bugha inusꞌai.’ ꞋEn la oolizas ntso yutilhꞌalh ꞌinkꞌez syeꞌ ooꞌat yutaleh-un ꞌen whuz de ha talhtelh.

Genesis 26:2

ꞋEt Moodihti (Yahweh) yunalhtsꞌet hainya ꞌinkꞌez ꞌuyulhni, “ꞋAw Egypt tsꞌu tonyaꞌ junih. Ndet la yun nyudutasnelh-un ꞌet sih hontꞌeꞌ.

2 Corinthians 6:17

ꞋInka neMoodihti netsꞌu náhizya whe ndutni, “Nohni ꞌenne butoh tsꞌu ha náhdilh ꞌinkꞌez buchꞌoh ꞌahtꞌoh. Tsun unli-i, ꞌi ootꞌa óohnalh junih, ꞌet de nohitáschulh.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.

Revelation 18:4

ꞋEt doo cha ndus de yakꞌuz tsꞌe ꞌuwhutni whudástsꞌo whe njan duwhútni, “Sduneꞌne ootsꞌu ha náhdilh doo ka si ꞌen bulh lubeshi oolhꞌen. ꞋInkꞌez doo ka si ndi dune ye dzoh nudeh-i, ꞌi nohghá doltsꞌit.