Genesis 11:8 - Yak'usda Ooghuni

⁸ ꞋEt whe Moodihti (Yahweh) lhchꞌa buninla, ꞌinkꞌez njan yun kꞌut ndulhcho nehunindil. ꞋEt whe dune whutꞌi whucho nehoninꞌai ꞌet ꞌetsul ꞌuhuja.

Genesis 11:8 Iomraidhean Croise

Genesis 10:25

Eber ooyeꞌke nane hinli. ꞋIlhoghun boozi ꞌen Peleg. ꞋEn khuna daꞌ ndi yun kꞌut lhtsꞌe hooltsꞌut ꞌet huwa. ꞋInkꞌez bulhutsin, ꞌen Joktan tsꞌutni.

Genesis 10:32

Ndunne ꞌenne Nowe ooyeꞌke tsꞌu haindene ꞌenne tsꞌiyawh lhkꞌehidil ndi yun kꞌut too whuzdliꞌ hukwꞌelhꞌaz. ꞋInkꞌez ꞌilhoh huwhutꞌi ndi yun kꞌut lhelhdoh ꞌuhoontꞌoh.

Genesis 10:5

Ndunne ꞌenne yatoo ba ꞌudun keyoh whutꞌenne buchꞌoh nehunindil didutchꞌoh duyun mbene la ꞌilho khuni be za yalhdukne ꞌinkꞌez dahintꞌoh la lhelhdoh hudidoh ꞌenne ꞌoh huwhutꞌi.

Genesis 11:4

ꞋEt ꞌuhutni, “ꞋAnih njan keyoh whuti ꞌutsꞌodoolneh ꞌinkꞌez ndo yakꞌuz nainꞌa-i nyiz-i cho ꞌi ꞌutsꞌooleh. ꞋEt wheni si neooziꞌ hoonli holeꞌ, ndi ꞌutsꞌinla da, doo ka si ndulcho whe ndi yun kꞌut yatsꞌodilh.”

Genesis 11:9

ꞋEt huwa nyo nainꞌa-i cho, ꞌi Babal huyulhni, ndai la huye yalhduk-i cha tsꞌiyawh Moodihti (Yahweh) lhelhtsꞌun unꞌa yahulhduk hubulhtsi ꞌinkꞌez ndulcho yahandil.

Genesis 49:7

Bube huske-i ookwꞌehoodeh, tube be oonujut ꞌet huwa. Huye huske-i tube ookwꞌehunduda. Jacob ꞌet lhkꞌebutistelh ꞌinkꞌez Israel ꞌet lhelhdun nebutastelh.

Luke 1:51

Dugan oonutꞌi be hoolhtus tuneꞌ ꞌutꞌen. Dudzi be ꞌududíltiꞌne, ꞌenne tsꞌiyawh yabanla.