Genesis 11:7 - Yak'usda Ooghuni

⁷ ꞋAnih butsꞌun tsꞌutoodilh, ꞌinkꞌez bughuni ꞌi buchꞌa lhtatsꞌuholelh. ꞋEt si lhulh hoodostsꞌo.”

Genesis 11:7 Iomraidhean Croise

Genesis 1:26

ꞋEt Yakꞌusda (Elohim) ꞌutni, “Dune ꞌutsꞌooleh, neundotꞌen-un, nekꞌunꞌa ꞌuntꞌoh-un, yatoo kꞌut, lho, dutꞌai ndo nudilh-i, musdoos, yun kꞌut cha, yun kꞌut nulhꞌas-i cha, ꞌowhi tsꞌiyawh yumoodih ooleꞌ sih”.

Genesis 10:20

Ndunne, ꞌenne Ham ooyeꞌke tsꞌu haindene cha ꞌilho khuni be yahulhduk ꞌinkꞌez duyun ꞌinkꞌez ꞌilhoh hudidoh.

Genesis 10:32

Ndunne ꞌenne Nowe ooyeꞌke tsꞌu haindene ꞌenne tsꞌiyawh lhkꞌehidil ndi yun kꞌut too whuzdliꞌ hukwꞌelhꞌaz. ꞋInkꞌez ꞌilhoh huwhutꞌi ndi yun kꞌut lhelhdoh ꞌuhoontꞌoh.

Genesis 10:5

Ndunne ꞌenne yatoo ba ꞌudun keyoh whutꞌenne buchꞌoh nehunindil didutchꞌoh duyun mbene la ꞌilho khuni be za yalhdukne ꞌinkꞌez dahintꞌoh la lhelhdoh hudidoh ꞌenne ꞌoh huwhutꞌi.

Genesis 11:5

ꞋEt whe Moodihti (Yahweh) ndus de hainya ꞌinkꞌez nyo keyoh whunilhꞌen ꞌinkꞌez nyoo nainꞌa-i cho yoh huyulhtsi, ꞌi cha ꞌuhuyinla-i yunalhꞌen.

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 42:23

ꞋEt hoontsꞌi ꞌaw tꞌehonuszun Joseph tꞌewhuninzun, yuba yalhduk-un ꞌen yuba yalhduk whe bubulh yalhduk ꞌet huwa.

1 Corinthians 14:23

ꞋEt huwa Yakꞌusda ba ꞌilhunaoodulhne, ꞌenne tsꞌiyawh ꞌilhoh ꞌilhunahootádulh de, ꞌinkꞌez tsꞌiyawh ꞌilhone whe lhelhyoo khuni be yahutilhduk de, ꞌet whuz unꞌa ꞌuhóoja whe whulhodulhꞌene kꞌus ooba ꞌalhaꞌ lheꞌhóotꞌohne, ꞌenne nohgho nindil ꞌinkꞌez nohzih hudilhtsꞌi de, ꞌet ꞌaw lakw nohni whusnine ꞌahli nohódutánelh eh?