Genesis 11:6 - Yak'usda Ooghuni

⁶ ꞋEt Moodihti (Yahweh) ꞌutni, “A ꞌilhune za hinli dune ꞌinkꞌez lhkꞌunꞌa za yahulhduk. ꞋEt njan ꞌet ꞌazi wheꞌ honilhꞌen ndai la ꞌuhitilelh hukwaꞌhuninzun-un tsꞌiyawh si ꞌuhuhooleh.

Genesis 11:6 Iomraidhean Croise

Genesis 11:1

Ndi yun kꞌut ꞌoh daꞌ ꞌilho khuni za hoonli tsꞌiyanne lhkꞌunꞌa yahulhduk.

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Genesis 9:19

Ndunne tane ꞌenne Nowe ooyeꞌke hinle, ꞌenne butsꞌu haidune. ꞋEnne bugha ndi yun kꞌut whudizbun.

Luke 1:51

Dugan oonutꞌi be hoolhtus tuneꞌ ꞌutꞌen. Dudzi be ꞌududíltiꞌne, ꞌenne tsꞌiyawh yabanla.

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.