Genesis 10:6 - Yak'usda Ooghuni

⁶ Ham buzkeh ꞌenne dunene, Cush, Misraim, Put, ꞌinkꞌez Canaan ꞌuhantꞌe.

Genesis 10:6 Iomraidhean Croise

Genesis 10:5

Ndunne ꞌenne yatoo ba ꞌudun keyoh whutꞌenne buchꞌoh nehunindil didutchꞌoh duyun mbene la ꞌilho khuni be za yalhdukne ꞌinkꞌez dahintꞌoh la lhelhdoh hudidoh ꞌenne ꞌoh huwhutꞌi.

Genesis 2:13

Njan whulh nat tookꞌoh ye dinli, ꞌi Gihon hiyulhni, ꞌi ꞌuntꞌoh. Yun kꞌut Cush, ꞌet ndulcho whunasuli.

Genesis 5:32

ꞋInkꞌez Nowe kwulat whunizyai whunizyat (500) be yus kꞌut whe Shem, Ham ꞌinkꞌez Japheth ꞌenne ooyeꞌke suliꞌ.

Genesis 9:18

ꞋAndit ꞌet Nowe ooyeꞌke ꞌen ndi tsꞌi cho be ha handil, ꞌen Shem, Ham, ꞌinkꞌez Japheth. ꞋInkꞌez Ham, ꞌen Canaan be oobá ꞌuntꞌoh.

Genesis 9:22

ꞋEt Ham Canaan oobá ꞌen dubá ye ꞌustꞌet yanꞌen ꞌinkꞌez nane dulhusinke ꞌenne budaniꞌ ꞌaz.