Genesis 1:3 - Yak'usda Ooghuni

³ ꞋEt Yakꞌusda (Elohim) ꞌen ꞌutni, “ꞋEt njan be hootꞌen-i holeꞌ.” ꞋEt hootꞌen whuzdliꞌ.

Genesis 1:3 Iomraidhean Croise

Genesis 2:4

Njan ꞌet soo ꞌudechoo wheꞌ whuditꞌen hukwꞌelhꞌaz yakꞌuz ꞌinkꞌez yun kꞌut njan dzin Moodihti Yakꞌusda (Yahweh Elohim) ꞌen ndi yakꞌuz ꞌinkꞌez yun kꞌut ꞌuhoonla,

Matthew 8:3

ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

John 1:5

Be hóotꞌen-i tsalhgus yo tsꞌe whíndi ꞌinkꞌez tsalhgus yo tsꞌe haínya-un, ꞌaw yuchꞌa ꞌoolhdeh ꞌaítꞌoh.

John 1:9

Ndi be hóotꞌen-i, ꞌi tsꞌihꞌun ꞌuntꞌoh, ꞌinkꞌez be hóotꞌen-i, ꞌi tsꞌiyanne dune bugha itaꞌalh, ꞌet wheni ꞌen ndi yun kꞌeínya.

John 11:43

ꞋEt ndúdija hukwꞌelhꞌaz soo khuniti be yatilhduk, “Lazarus, ndiz ínyalh!” yúlhni.

John 3:19

ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”

Ephesians 5:8

ꞋOh daꞌ tsálhgus yo dúlhtsꞌi inleꞌ ꞌet huwa. ꞋEt ꞌandit neMoodihti, ꞌen be hootꞌen-i nohba suliꞌ. ꞋInka tsꞌoodunne be hootꞌen-i niz nuhúdilh ꞌet ndóhtꞌeꞌ hubaꞌ hoontꞌoh.

1 Timothy 6:16

ꞋAw ꞌen za be dalhtsꞌutsa-i yutꞌi. Ndet usda-un, ꞌet ndi ootsꞌu ha yanduz-i, ꞌaw dune yuzih neooyaꞌ ꞌaitꞌoh. ꞋAw dune lhuyisꞌen ꞌinkꞌez ꞌaw dune yooꞌenne hooloh. ꞋAw ꞌen za ꞌilhiz be hoolhtus-i yutꞌi. ꞋEt huwa uzdilhtiꞌ. ꞋEt ndo honeh.

1 John 1:5

Ndi khuni tsꞌodántsꞌo-un ꞌi ꞌuntꞌoh, ꞌen tsꞌaháltsꞌut-i, ꞌi ghun nohtsꞌútni Yakꞌusda be hóotꞌen-i ꞌuntꞌoh, ꞌinkꞌez ꞌaw tsálhgus ooghu hooloh gaih.

1 John 2:8

Tsalhgus yo ꞌawet whedúdeh ꞌinkꞌez tsꞌihꞌun be hóotꞌen-i ꞌawet be hóotꞌen suliꞌ. ꞋEt huwa nohtsꞌó kꞌeꞌusges ꞌinkꞌez doo cha ꞌunohdúsni, ꞌandit khuni netlꞌa ídanꞌai-i, ꞌi ndi ꞌalhaꞌ khuni ꞌi yulh ꞌúntꞌoh, ꞌinkꞌez nohni cha bulh ꞌáhtꞌoh.