Genesis 1:27 - Yak'usda Ooghuni

²⁷ ꞋEt Yakꞌusda (Elohim) dune ꞌinla, dukꞌunꞌa Yakꞌusda (Elohim) ndotꞌeꞌ, ꞌen dune ꞌinkꞌez tsꞌekoo cha ꞌen ꞌubinla.

Genesis 1:27 Iomraidhean Croise

Genesis 2:18

ꞋEt Moodihti Yakꞌusda (Yahweh Elohim) ꞌutni, “Dune dichꞌoh ꞌuhintꞌoh de ꞌaw lheꞌhoozooꞌ wheꞌ hoontꞌoh, yulaꞌ titꞌelh-un yundultꞌoh-un ooba ꞌoosleh si.”

Genesis 2:7

ꞋInkꞌez Moodihti Yakꞌusda (Yahweh Elohim) yun lez ꞌi dune yulhtsi ꞌinkꞌez be tsꞌukhuna bulh yuni ꞌainyulh ꞌinkꞌez dune khuna suliꞌ.

Genesis 9:6

Mbe dune ꞌuyoon buzkaiꞌ whulhtsi-un, ꞌuyoon dune ndun dune ꞌuja-un yuzkaiꞌ whutilhtselh wheꞌ hoontꞌoh, Yakꞌusda (Elohim) dune yulh ndultꞌoh yulhtsi ꞌet huwa.

Matthew 19:4

ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Mark 10:6

ꞋEt hoontsꞌi ꞌudechoo Yakꞌusda tsꞌiyaitsuk ꞌinla whe dune ꞌinkꞌez tsꞌeke cha ꞌubinla.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Ephesians 4:24

ꞋEt ꞌandit hukwꞌunꞌa yun kꞌenaihdilh, ꞌet whuz unꞌa whulhchoot. Yakꞌusda be ꞌutꞌen kꞌoh ꞌuhoolya. Ndiz unꞌa Yakꞌusda ꞌuhóonla, tsꞌihꞌun ꞌuhoontꞌoh-un, ꞌinkꞌez khuni ꞌalhaꞌ ꞌuntꞌoh-i ꞌet whe lubeshi ooghu hooloh, ꞌet whuz unꞌa neba ꞌuhóonla.

Colossians 1:15

ꞋEt Yakꞌusda ꞌaw lhistꞌen whe ꞌuntꞌoh ꞌet hoontsꞌi ooYeꞌ ꞌen yundultꞌoh whe ꞌuntꞌoh tꞌetsꞌoninzun. Ndi tsꞌiyaitsuk ꞌulya-i, ꞌi ꞌudechoo whuzdli-un unli, ꞌet huwa tsꞌiyawh whumoodih unli.

Colossians 1:26

Ndi wheꞌ hoontꞌoh hooyoh-un, ꞌaw niz de ha oodanzut whutsꞌun, tsꞌiyanne buchꞌa whunistꞌi. ꞋEt hoontsꞌi ꞌawet Yakꞌusda oochꞌeꞌne, wheni tsꞌiyawh tsꞌet gaih whunénilhtan.

Colossians 3:10

ꞋInkꞌez ꞌandit ꞌuyoonne nasahdliꞌ. ꞋEt mbe whuz unꞌa ꞌuneyinla, ndet ooghun tꞌetsꞌoninzun-un, ꞌet ꞌi be ꞌon nus ulhtusne natsꞌusdliꞌ. ꞋEt whe ntsꞌenꞌa Christ unli-un, ꞌen ookꞌunꞌa ꞌutsꞌootꞌeꞌ ha.