Genesis 1:26 - Yak'usda Ooghuni

²⁶ ꞋEt Yakꞌusda (Elohim) ꞌutni, “Dune ꞌutsꞌooleh, neundotꞌen-un, nekꞌunꞌa ꞌuntꞌoh-un, yatoo kꞌut, lho, dutꞌai ndo nudilh-i, musdoos, yun kꞌut cha, yun kꞌut nulhꞌas-i cha, ꞌowhi tsꞌiyawh yumoodih ooleꞌ sih”.

Genesis 1:26 Iomraidhean Croise

Genesis 11:7

ꞋAnih butsꞌun tsꞌutoodilh, ꞌinkꞌez bughuni ꞌi buchꞌa lhtatsꞌuholelh. ꞋEt si lhulh hoodostsꞌo.”

Genesis 2:19

Ndi yun kꞌut ꞌet Moodihti Yakꞌusda (Yahweh Elohim) tsꞌiyai khuna-i, dutꞌai ndo yat nudilh, ꞌi tsꞌiyawh Adam tsꞌun nebuninla, ꞌet ntsꞌenꞌa hubootazih ha. ꞋInkꞌez ntsꞌenꞌa hubonziꞌ, ꞌi huboozi suliꞌ.

Genesis 3:22

ꞋEt Moodihti Yakꞌusda (Yahweh Elohim) ꞌutni, “Nulhꞌen, dune Neundultꞌoh suliꞌ, hoonzoo-un ꞌinkꞌez hoontsiꞌ-un tꞌewhunozin ha. ꞋInkꞌez ꞌandit doo ka si dula be ndi duchun oomaiꞌ yolhchoot ꞌinkꞌez yooꞌalh ꞌinkꞌez ꞌilhiz whutinalh.”

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Genesis 9:6

Mbe dune ꞌuyoon buzkaiꞌ whulhtsi-un, ꞌuyoon dune ndun dune ꞌuja-un yuzkaiꞌ whutilhtselh wheꞌ hoontꞌoh, Yakꞌusda (Elohim) dune yulh ndultꞌoh yulhtsi ꞌet huwa.

John 14:23

ꞋEt Jesus ꞌuyulhni, “Mbene la skꞌentsiꞌne, ꞌenne sghuni yootatun. ꞋEnne sBá bukꞌetisiꞌ ꞌinkꞌez bubulh whútitꞌelh ꞌet whe la si bulh butoh ókeꞌ.

John 5:17

ꞋEt hoontsꞌi Jesus ubúlhni, “SBá ꞌahoolhyiz ꞌutꞌen, ꞌinka si cha ꞌustꞌen.”

Acts 17:20

Ndi ooghu yailhduk-i whulukhi uzditsꞌo hoontsꞌi ꞌaw tꞌeznuszun, ꞌet huwa soo cho tꞌetsꞌonoozeh hukwa ꞌuzninzun.”

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.

1 Corinthians 11:7

ꞋEt ꞌalhaꞌ dunene, ꞌenne Yakꞌusda kꞌeguz-i kꞌunꞌa ꞌuhintꞌoh, ꞌinkꞌez ye diztiꞌ-i kꞌunꞌa ꞌuhintꞌoh. ꞋEt huwa dutsi kꞌeꞌoolhbal ꞌaitꞌoh. ꞋEt tsꞌekoo ꞌenne dune ye diztiꞌne ꞌuhintꞌoh.

2 Corinthians 3:18

ꞋEt wheni tsꞌiyawh nenin ootsꞌoh lheꞌibal whe be naꞌuzdunulꞌen ꞌi be tsꞌonilhꞌen, ꞌet whuz unꞌa neMoodihti yé diztiꞌ-i, ꞌahoolhyiz uznilhꞌen. ꞋInkꞌez ndi ꞌukꞌeguz-i uznilhꞌen-i, ꞌet ꞌi kꞌunꞌa ꞌutsꞌuja. NeMoodihti yé diztiꞌ-i, ꞌi ꞌon nus yé diztiꞌ-i kꞌunꞌa ꞌutsꞌintꞌoh. Dzin totsuk nusyaz za lhéꞌtsꞌitꞌelh. ꞋInkꞌez neMoodihti ooyughi, ꞌen gha whuz unꞌa ꞌuhóoja.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

Ephesians 4:24

ꞋEt ꞌandit hukwꞌunꞌa yun kꞌenaihdilh, ꞌet whuz unꞌa whulhchoot. Yakꞌusda be ꞌutꞌen kꞌoh ꞌuhoolya. Ndiz unꞌa Yakꞌusda ꞌuhóonla, tsꞌihꞌun ꞌuhoontꞌoh-un, ꞌinkꞌez khuni ꞌalhaꞌ ꞌuntꞌoh-i ꞌet whe lubeshi ooghu hooloh, ꞌet whuz unꞌa neba ꞌuhóonla.

Colossians 1:15

ꞋEt Yakꞌusda ꞌaw lhistꞌen whe ꞌuntꞌoh ꞌet hoontsꞌi ooYeꞌ ꞌen yundultꞌoh whe ꞌuntꞌoh tꞌetsꞌoninzun. Ndi tsꞌiyaitsuk ꞌulya-i, ꞌi ꞌudechoo whuzdli-un unli, ꞌet huwa tsꞌiyawh whumoodih unli.

Colossians 3:10

ꞋInkꞌez ꞌandit ꞌuyoonne nasahdliꞌ. ꞋEt mbe whuz unꞌa ꞌuneyinla, ndet ooghun tꞌetsꞌoninzun-un, ꞌet ꞌi be ꞌon nus ulhtusne natsꞌusdliꞌ. ꞋEt whe ntsꞌenꞌa Christ unli-un, ꞌen ookꞌunꞌa ꞌutsꞌootꞌeꞌ ha.

James 3:7

ꞋEt ndi yun kꞌut khuna-i didowh-i, dutꞌai cha, ndai yun kꞌut núlhꞌas-i cha, ꞌinkꞌez ndai toot hoonli, ꞌi cha, wheni ndi yun kꞌut dunene, ꞌi tsꞌiyawh kꞌuneꞌ tsꞌulꞌen.

James 3:9

Neze whe Yakꞌusda neBá tube cho ooba tsꞌodílhtiꞌ. ꞋInkꞌez ꞌet whe za nebulh dunene bubézduyaih, Yakꞌusda dukꞌunꞌa ꞌubínla, ꞌenne hoontsꞌi neghuni be ꞌet dúbutsꞌutni.

1 John 5:7

ꞋEt tane ꞌenne yakꞌuz whutsꞌun bunalh ꞌóohooja. NeBá, ꞌinkꞌez ndun khuni cha, ꞌinkꞌez Ndoni cha. Ndunne tane ꞌilhoghun za hinli.