Genesis 1:22 - Yak'usda Ooghuni

²² ꞋEt Yakꞌusda (Elohim) soo hoonzoo-un hubúlhni, ꞌinkꞌez njan ndutni, “Lhkꞌuz whe lhai oohleꞌ ndi too doolhbun yatooꞌ tuz, ꞌinkꞌez dutꞌai cha ndi yun kꞌut lhkꞌuz teh lhai ooleꞌ.”

Genesis 1:22 Iomraidhean Croise

Genesis 1:21

ꞋEt Yakꞌusda (Elohim) toot lho cho ꞌinkꞌez ꞌusjiz-i nuhutnah-i lhelhdoh didoh toot nuyeh-i ꞌinkꞌez nutꞌo-i lhelhdoh didoh-i ꞌinla. ꞋInkꞌez ꞌowhi yunilhꞌen, unzoo whe ꞌuntꞌoh. ꞋEt Yakꞌusda (Elohim) ooba hoonzoo suliꞌ.

Genesis 1:23

ꞋEt hulhgha ꞌinkꞌez bundadaꞌ ꞌet kwulat dzin suliꞌ.

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 30:27

ꞋInkꞌez Laban ꞌen ꞌuyulhni, “ꞋEt sinda, mba ꞌuszoo de! Tꞌeooniszin ꞌawet nyun ngha Moodihti (Yahweh) soo hoonzoo-un sgha ooninꞌai.”

Genesis 30:30

Nghu tisyalh whutso tube ntsool-i ꞌintꞌi inleꞌ, ꞌandit tsꞌiyawh ꞌonus lhai suliꞌ. Moodihti (Yahweh) soo hoonzooꞌ mba whulhtsi, si nghu nusya whutsꞌun ꞌinkꞌez nkede sichꞌoh syoh dilhtsꞌine bubaꞌ tistꞌelh.”

Genesis 35:11

ꞋInkꞌez ꞌet cha Yakꞌusda (Elohim) ꞌuyulhni, “Si Yakꞌusda ꞋUkꞌenus ꞋUltus-un (El Shaddai) ꞌen ꞌustꞌoh. Lhai cho ntsꞌu ha ookat ꞌinkꞌez lhai cho ooleꞌ didohne ꞌinkꞌez dune didohne tsꞌiyawh ꞌenne ntsꞌu ha hutidoh, ꞌinkꞌez lerwene ꞌenne nyustꞌe tsꞌu ha hutidulh.

Genesis 8:17

Ndai la tsi bet daltsꞌiꞌ-i khuna-i ꞌusjiz-i tsꞌiyawh tenaninle, dutꞌai cha ꞌinkꞌez khuna-i ꞌinkꞌez yun nulhꞌas-i cha, ꞌet si ndi yun kꞌut lhai hooleꞌ.”

Genesis 9:1

ꞋEt Yakꞌusda (Elohim) ꞌen Nowe ꞌinkꞌez ooyeꞌke tucha tsꞌiyawh soo hoonzoo-un hubúlhni whe ꞌubulhni, “Lhane cho ooleꞌ ndi yun doolhbun hubulhni.