Genesis 1:21 - Yak'usda Ooghuni

²¹ ꞋEt Yakꞌusda (Elohim) toot lho cho ꞌinkꞌez ꞌusjiz-i nuhutnah-i lhelhdoh didoh toot nuyeh-i ꞌinkꞌez nutꞌo-i lhelhdoh didoh-i ꞌinla. ꞋInkꞌez ꞌowhi yunilhꞌen, unzoo whe ꞌuntꞌoh. ꞋEt Yakꞌusda (Elohim) ooba hoonzoo suliꞌ.

Genesis 1:21 Iomraidhean Croise

Genesis 1:18

ꞋInkꞌez ꞌowhi dzin ꞌinkꞌez ꞌulhdzis bulh kꞌuneꞌ hoolꞌen ha. ꞋInkꞌez lhulcho ꞌuhoonla be hootꞌen-i ꞌinkꞌez tsalhgus yo. ꞋInkꞌez Yakꞌusda (Elohim) whunilhꞌen ꞌinkꞌez ooba hoonzoo.

Genesis 1:20

ꞋEt Yakꞌusda (Elohim) ꞌutni, “Too toh lhai cho lho nduntꞌoh-i holeꞌ, ꞌinkꞌez dutꞌai yun ando yat ndulcho dutꞌai be nuhootꞌo”.

Genesis 1:22

ꞋEt Yakꞌusda (Elohim) soo hoonzoo-un hubúlhni, ꞌinkꞌez njan ndutni, “Lhkꞌuz whe lhai oohleꞌ ndi too doolhbun yatooꞌ tuz, ꞌinkꞌez dutꞌai cha ndi yun kꞌut lhkꞌuz teh lhai ooleꞌ.”

Genesis 1:25

ꞋEt Yakꞌusda (Elohim) khuna-i yun kꞌut nulhꞌas ꞌilhoh didoh-i, musdoos ꞌilhoh didoh-i ꞌinkꞌez tsꞌiyai yun nulhꞌas-i, ꞌilhoh didoh-i ꞌinkꞌez Yakꞌusda (Elohim) yanꞌen, unzoo whe ꞌuntꞌoh.

Genesis 1:31

Yakꞌusda (Elohim) yaneꞌ yalhꞌen-i yunilhꞌen, tsꞌiyawh ꞌuyinla-i ꞌinkꞌez ꞌalha tube unzoo. ꞋEt hulhgha ꞌinkꞌez bundadaꞌ ꞌet bulh lhkꞌu tat dzin. ꞋEt tsꞌiyawh whunalhꞌen whe tube ooba hoonzoo. ꞋEt hulhgha ꞌinkꞌez bundadaꞌ ꞌet whulh lhkꞌu tat dzin suliꞌ.

Genesis 2:19

Ndi yun kꞌut ꞌet Moodihti Yakꞌusda (Yahweh Elohim) tsꞌiyai khuna-i, dutꞌai ndo yat nudilh, ꞌi tsꞌiyawh Adam tsꞌun nebuninla, ꞌet ntsꞌenꞌa hubootazih ha. ꞋInkꞌez ntsꞌenꞌa hubonziꞌ, ꞌi huboozi suliꞌ.

Genesis 6:20

Ndai la ndo nudilh-i dundultꞌoh-i, yun nulhꞌas-i dundultꞌoh-i cha, ꞌinkꞌez yun nutsꞌeh-i dundultꞌoh-i cha, nanki dundultꞌoh-i tsꞌiyawh ntsꞌun tidulh, hutinalh wheni.

Genesis 7:14

ꞋEnne cha ꞌinkꞌez tsꞌiyawh khuna-i lhelhtsꞌun didoh, tsꞌiyawh musdoos lhelhtsꞌun didoh, tsꞌiyai yun nulhꞌas lhelhtsꞌun didoh, ꞌinkꞌez yat whudutꞌai lhelhtsꞌun didoh cha, tsꞌiyai didoh lhelhchꞌa ꞌuwhutꞌen.

Genesis 8:17

Ndai la tsi bet daltsꞌiꞌ-i khuna-i ꞌusjiz-i tsꞌiyawh tenaninle, dutꞌai cha ꞌinkꞌez khuna-i ꞌinkꞌez yun nulhꞌas-i cha, ꞌet si ndi yun kꞌut lhai hooleꞌ.”

Genesis 8:19

Khuna-i ndai la yun nulhꞌas-i cha, dutꞌai cha, tsꞌiyawh lhulhdidoh-i, ꞌi tsꞌiyawh ndi tsꞌi huye haindil.

Genesis 9:2

Ndi yun kꞌut khuna-i tsꞌiyai huye ntiljut, dutꞌai cha ndi yun nuhutnah-i ꞌinkꞌez lho cha tsꞌiyawh nohla kꞌez be huwantꞌai.

Genesis 9:7

ꞋInkꞌez nohni, lhane cho nohuzkeh ooleꞌ. Lhanꞌun cho ndi yun kꞌut whutꞌenne lhane cho nohhuzkeꞌ hooleꞌ.”

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.