Genesis 1:14 - Yak'usda Ooghuni

¹⁴ ꞋEt Yakꞌusda (Elohim) ꞌutni, “Ndo yakꞌuz hootꞌen ooleꞌ, ꞌi be lhulhcho lhtsꞌe hozit whe dzin ꞌinkꞌez ꞌulhdzis, ꞌi be ntsꞌoh hoozulh, dzin ꞌinkꞌez naoodizulh ꞌet cha.

Genesis 1:14 Iomraidhean Croise

Genesis 1:13

ꞋEt hulhgha ꞌinkꞌez bundadaꞌ ꞌet whulh tat dzin.

Genesis 1:15

ꞋInkꞌez ꞌet ndi yakꞌuz be hootꞌen, ꞌi yun kꞌut be hootꞌen ooleꞌ,” ꞌet nduhóoja.

Genesis 8:22

Ndi yun hoonli whutoh ꞌaꞌ nukat-un ꞌinkꞌez haꞌ nukat-un, whuzkꞌuz ꞌinkꞌez whunulwus-un cha, khit cha ꞌinkꞌez shin cha. ꞋInkꞌez dzenis cha ꞌinkꞌez ꞌulhdzis cha hoonli-un, ꞌaw ꞌetsul lheꞌwhutasnel.”

Genesis 9:13

Ditni naꞌanguz kwꞌus toh ꞌi ꞌusla. ꞋI gha whe hoodatꞌen tileh si ꞌinkꞌez ndi yun kꞌut-i bulh khuna-i ꞌusla-i.

Matthew 2:2

ꞋInkꞌez dune hoodulhkut, “Lizwif bulerwe ꞌandit whuzdli-un, ntsꞌe whuzdli? Sum cho tsꞌanꞌen, ꞌi gha lhutsꞌúzdil. Tsꞌoodun ootsꞌun teniꞌ tsꞌuntilhdzilh ha whusatsꞌándil.”

Matthew 24:29

“ꞋEt ꞌoh de dune dzoh nahutideh-un ꞌúhooja de, hukwꞌelhꞌaz ꞌaho sa dulhgus tileh. ꞋUlhdzis oozaꞌ cha ꞌaw be lhóohoostꞌen tileh. Sum cha ndus de ha tíkulh. ꞋInkꞌez yat be hoolhtus-i ndulcho whe nuhótitnah.

Mark 13:24

“ꞋEt ꞌoh de dune dzoh nuhuzde, hukwꞌelhꞌaz sa dulhgus tileh, ꞌinkꞌez ꞌulhdzis oozaꞌ cha ꞌaw be lhoohoostꞌen tileh.

Luke 23:45

Sa cha ꞌaw lhistꞌen suliꞌ. ꞋInkꞌez lugliz whucho dutai-i hukwa dímbal-i, ꞌi cha lhulcho lhkꞌenchꞌul.

Revelation 6:12

ꞋEt ꞌusbaiyaz ꞌet bulh lhkꞌuta-i ꞌudustlꞌus be lhidildze-i yudáhaꞌ dalhchꞌul whutisꞌen whe khuntsul tube yun núkhisnai, ꞌinkꞌez sa cha dulhkꞌus suliꞌ, naih dulhkꞌus-i doútꞌen. ꞋInkꞌez ꞌulhdzis oozaꞌ cha, ꞌantsꞌi ꞌuskaiꞌ doútꞌen suliꞌ.

Revelation 8:12

ꞋEt lizas bulh dinene be tsꞌujih-i be ꞌudija whe dzenis oozaꞌ, ꞌulhdzis oozaꞌ cha, ꞌinkꞌez sum cha tsꞌiyawh ⅓ ꞌi ꞌohwhi ootꞌaꞌaznai. ꞋI tsꞌiyawh dulhgus suliꞌ. ꞋEt huwa dzenis ⅓, ꞌulhdzis cha ⅓ tsahólhgus suliꞌ.

Revelation 9:2

ꞋInkꞌez njan tsa kꞌet whucho whutlꞌah hooloh-un whudáhaꞌ danꞌai. ꞋEt ꞌantsꞌi yoh be oonulwus-i cho kꞌunꞌa lhut nyus de ha níldo. ꞋI be dzenis oozaꞌ cha ꞌinkꞌez yatꞌah ꞌi bulh ndulcho whe tsahólhgus suliꞌ.