Genesis 1:11 - Yak'usda Ooghuni

¹¹ ꞋEt Yakꞌusda (Elohim) ꞌutni, “Ndi yun kꞌut ꞌet tlꞌo, ndai ꞌutꞌan ha nuyeh ootse whulih. Mai chun oomaiꞌ whulih tsꞌiyawh dichꞌoh oochꞌeꞌ nawhudlih, ꞌi ooleꞌ,” ni ꞌet whe nduhóoja.

Genesis 1:11 Iomraidhean Croise

Genesis 1:12

ꞋEt ndi yun kꞌut tlꞌo, ndai ꞌutꞌan ha nuyeh ootse whulih whukꞌunꞌa, ꞌinkꞌez mai chun oomaiꞌ whulih tsꞌiyawh dichꞌoh ootse nawhudlih. ꞋEt Yakꞌusda (Elohim) ooba hoonzoo.

Genesis 1:29

ꞋEt Yakꞌusda (Elohim) ꞌutni, “Whunulhꞌen, yun ha nuyeh-i oomaiꞌ hoonli-i, ꞌananukat-i yun kꞌut hooni-i, duchun oomaiꞌ ꞌananukat-i, nohni nohba ꞌutꞌalh-i tileh.

Genesis 2:16

ꞋInkꞌez Moodihti Yakꞌusda (Yahweh Elohim) ndun dune khuni yutlꞌa danꞌai whe nduyulhni, “Ndi duchun tsꞌiyawh njan ha nuyeh ꞌi onꞌalh ndet hukwaꞌ ninzin totsuk.

Genesis 2:5

ꞌawhuz yun whutꞌan ꞌinkꞌez oomaiꞌ hooni-i, ꞌinkꞌez dilhtan-i cha yun kꞌut ha lhusye whe, Moodihti Yakꞌusda (Yahweh Elohim) nawhulhtih-un ꞌinkꞌez dune yun gha oonaꞌ ha hooloh.

Genesis 2:9

Njan yun kꞌut Moodihti Yakꞌusda (Yahweh Elohim) tsꞌiyai duchun nulꞌen huba nzoo-i ꞌinkꞌez ꞌutꞌalh huba nzoo-i ꞌainanla. Duchun oogha tsꞌukhuna-i cha whuniz ha nuyeh yun ꞌet ꞌuyinla. ꞋInkꞌez ndi duchun be tꞌeoonudzun ndet hoonzoo ꞌinkꞌez ndet hoontsiꞌ ꞌet cha.

Matthew 3:10

Nohni duchun léꞌahtꞌoh. ꞋAwet tsetselh lhadíntꞌoh. Duchun oomaiꞌ hooloh-i, ooghih tubulh tsuhídantsel ꞌinkꞌez hidutálhkꞌun.

Matthew 6:30

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

Mark 4:28

Yun ꞌi gha ha núlhyih ꞌinkꞌez oomaiꞌ whulih. ꞋUdechoo yun ghu nuki ꞌet nuyih ꞌinkꞌez dinyiz lhih te oomaiꞌ whulih.

1 Corinthians 15:38

ꞋEt hoontsꞌi Yakꞌusda ntsꞌenꞌa hukwaꞌ ninzun, ꞌet whuz unꞌa ꞌuyulhꞌih. ꞋInkꞌez ndi oomaiꞌ tsꞌiyawh lhelhdoh didowh ꞌi ꞌuntꞌoh.

Hebrews 6:7

Soo cho whunulhꞌen, ꞌet nawhúlhtih te ha níyeh ba hoonzoo. ꞋInkꞌez tsꞌiyaitsuk tꞌalh-i neba ha núlhyeh de, ꞌet de whuz unꞌa Yakꞌusda netsꞌun unzoo.

James 3:12

Sulhutsinke, ndi duchun fig huyulhni, ꞌi oomaiꞌ olive cha ootsꞌu ha nóoyeh ꞌaitꞌoh. ꞋInkꞌez mai chun, ꞌi cha ꞌaw oomaiꞌ, fig huyulhni, ootsꞌu ha nóoyeh ꞌaitꞌoh. ꞋEt whuz unꞌa za too tsulkiꞌ-i ꞌinkꞌez too unzoo-i bulh nankultꞌoh ꞌilhoghun za haóoli ꞌaitꞌoh.