Genesis 1:1 - Yak'usda Ooghuni

¹ Soo ꞌudechoo wheꞌ whuditꞌen whe Yakꞌusda (Elohim) ndi yun ꞌinkꞌez yakꞌuz ꞌet ꞌuhóonla.

Genesis 1:1 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Mark 13:19

ꞋEt Yakꞌusda yun ꞌinla ꞌet dzin whutsꞌun ꞌaw lheꞌwhúsne ꞌinkꞌez ꞌet ꞌulcho ꞌi be whutsodaꞌ hiye dzoh nulhuzut-i, ꞌi be dzoh notideh.

Acts 14:15

“Di ha ꞌet ndahtꞌen? Wheni cha nohkꞌunꞌa dune tsinli, ꞌaw Yakꞌusda lhtsꞌíloh wheꞌ tsꞌintꞌoh. Njan khuni unzoo-i nohghá uztiꞌalh ꞌet wheni whusatsꞌánꞌaz. Ndi nohtsiꞌ unli-i nohyakꞌusdane oochꞌaz nálhyeh ꞌinkꞌez Yakꞌusda khuna-un ootsꞌun nálhyeh. ꞋEn ꞌuntꞌoh yat, ndi yun kꞌut, yatooꞌ cha, ꞌinkꞌez ndai la ookꞌut whuyoonli-i tsꞌiyawh ꞌuyínla whe ꞌuntꞌoh.

Acts 17:24

Ndun Yakꞌusda tꞌénuzuhzun-un, ꞌen ꞌuntꞌoh, ndi yun kꞌut ꞌinkꞌez ndai ookꞌut ꞌuyintꞌoh-i tsꞌiyawh ꞌuyínla. Ndo yakꞌuz ꞌinkꞌez ndi yun kꞌut tsꞌiyawh whuMoodih unli, ꞌet huwa lugliz whucho dune ꞌuhoonla-un ꞌet lhídoh wheꞌ hoontꞌoh.

Acts 4:24

ꞋEt hodántsꞌo whe tsꞌiyawh lhgha Yakꞌusda tsꞌun tenawhehúndunidli, “NeMoodihti nyun Yakꞌusda ꞌintꞌoh tꞌétsꞌonínzun, yat, ndi yun, yatooꞌ, ꞌinkꞌez bunghun cha ꞌínla, ꞌinkꞌez di la bulh ꞌúhoonla-i tubulh.

Romans 11:36

Tsꞌiyaitsuk ꞌinla, ꞌinkꞌez ꞌen oogha tsꞌiyaitsuk ꞌuyínla kꞌunꞌa ꞌuntꞌoh, ꞌinkꞌez ꞌen ba tsꞌiyaitsuk ꞌulya. ꞋEt huwa nohdúsni ꞌilhiz wheni Yakꞌusda ꞌen za uzdólhtiꞌ. ꞋEt ndó honeh.

1 Corinthians 8:6

ꞋEt nduhútni ꞌet hoontsꞌi, wheni neba Yakꞌusda ꞌilhoghun za unli, neBá ꞌen ꞌuntꞌoh. ꞋEn za tsꞌiyaitsuk ootsꞌu ha yúkat wheꞌ hoontꞌoh. ꞋEn za ba tsꞌootꞌen ha ndi yun kꞌut uzdilhtsꞌi. ꞋInkꞌez neMoodihti ꞌilhoghun za unli, Jesus Christ ꞌen ꞌuntꞌoh. ꞋEn gha tsꞌe tsꞌiyaitsuk ꞌulya, ꞌinkꞌez wheni cha ꞌen gha za tsꞌukhuna.

Ephesians 3:9

ꞋEt whe la buba wheꞌ hoontꞌoh hooyoh-un, ꞌet ꞌi be tsꞌiyanne ꞌalhgoh ꞌilho didowhne tsꞌooleꞌ. Soo ꞌudechoo whutsꞌun, Yakꞌusda tsꞌiyanne buchꞌá whuntizꞌi. ꞋInkꞌez tsꞌiyanne dune honilhꞌen ubutiselh ha. ꞋEn ꞌuja Jesus Christ ꞌen be tsꞌiyaitsuk ꞌinla.

Hebrews 1:10

ꞋInkꞌez ꞌudun cha ooghuni ꞌukꞌeguz whe ꞌet ndutni, “Moodihti nyun ꞌudechoo wheꞌ whuditꞌen ꞌet whutsꞌun, ndi yun cha ꞌinla. Nla be yat cha ꞌuhóonla.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.

Hebrews 11:3

Be ꞌalha ꞌuhoontꞌoh-i, ꞌi be za tꞌetsꞌonínzun Yakꞌusda ooghuni be tsꞌiyaitsuk ndi yun kꞌut ꞌulya. Ndai lhtsꞌisꞌen-i, ꞌi hoontsꞌi, dughuni ꞌi be tsꞌiyawh ꞌuyinla-i wheꞌ hoontꞌoh.

Hebrews 3:4

ꞋEt yoh totsuk lhenyoone ꞌuhóonla, ꞌet hoontsꞌi Yakꞌusda ꞌen za tsꞌiyantsuk ꞌuhóonla.

2 Peter 3:5

ꞋUdaꞌ dahooja la ꞌaw whunahoolnih hukwa lheꞌhunízun. Yakꞌusda ooghuni, ꞌi be ꞌudechoo ꞌudaꞌ ndo yat ꞌuhóolya inleꞌ. ꞋInkꞌez ndi yun whuloh tehtlꞌah ꞌuntꞌoh ꞌinkꞌez whuloh yun unli inleꞌ.

1 John 1:1

Soo ꞌudechoo daꞌ whutsꞌun hoonli-un soo tsꞌihꞌun unꞌa whuzdántsꞌo-un, nena be cha tsꞌonalhꞌen, ꞌinkꞌez nela be cha ootꞌá tsꞌaznai khuni be tsꞌúkhuna-i, ꞌi ghun.

Revelation 10:6

ꞋEt yakꞌuz ꞌinkꞌez ndai la ꞌet hoonli-i, yun ꞌinkꞌez ndai la ookꞌut wheyoonli-i, yatoo ꞌinkꞌez ndai la ootoh wheyoonli-i, mbe la ꞌilhiz ꞌinkꞌez ꞌilhiz wheni khuna-un tsꞌiyawh ꞌuhoonla-un, ꞌen booziꞌ be lizas ncha-un njan ndutni ꞌawet neóodinzut! ꞋAw ꞌon ꞌun huba oolhꞌeꞌ ꞌaitꞌoh.

Revelation 14:7

ꞋUltus whe ndutni, “Yakꞌusda bé nulhjut ꞌinkꞌez dúlhtiꞌ. Dune ba nahutiyeh-un ꞌawet ꞌoh whuya háꞌ hunitꞌo ꞌet huwa. Yakꞌuz ꞌinkꞌez yun kꞌut, yatoo ꞌinkꞌez yun tsꞌu hainli-un cha, tsꞌiyawh ꞌuhoonla, ꞌet huwa ootsꞌun teniꞌ nulhdzun.”

Revelation 21:6

ꞋInkꞌez ꞌusulhni, “ꞋAwet lhaóoduja! Si Alpha ꞌinkꞌez Omega usdli. ꞋUdetso wheꞌ whuditꞌen ꞌinkꞌez lhawhúdulya-un usdli. Mbene taꞌóosdane ha tájilh-un tsꞌukhuna-un whutooꞌ ꞌantsꞌi bugha ítasdzoh.

Revelation 22:13

Si ꞌustꞌoh Alpha ꞌinkꞌez Omega usdli. ꞋUdechoo wheꞌ whuditꞌen-un ꞌinkꞌez ꞌetsul ꞌuwhutánelh-un, ꞌen ꞌustꞌoh. ꞋUdetso-un ꞌinkꞌez ꞌudekꞌez-un ꞌustꞌoh.”

Revelation 3:14

“ꞋEt keyoh Laodicea dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Mbe la ndó honeh-un, ꞌinkꞌez oonalh ꞌúwhutꞌen-un cha, ꞌinkꞌez ootꞌa niuznintan-un cha ꞌinkꞌez tsꞌihꞌun unꞌa ꞌuntꞌoh-un cha. Ndi Yakꞌusda ꞌuyinla-i ꞌen ꞌudechoo whéꞌ whudilhꞌen-un ꞌuntꞌoh, ꞌen ꞌutni:

Revelation 4:11

“O neMoodihti ntsꞌu ha ꞌánduz, díntiꞌ, ꞌinkꞌez ilhtus cha ꞌintꞌoh. ꞋI tsꞌiyawh ꞌet ndun tsꞌídoniꞌ huba soo ꞌíldzooꞌ, tsꞌiyaitsuk ꞌinla ꞌet huwa. Nyun ꞌinla ꞌet huwa ꞌuntꞌoh, ꞌet whuz unꞌa hukwaꞌ ninzun.”