Acts 9:3 - Yak'usda Ooghuni

³ ꞋEt Saul Damascus whenghoh uyalh whe, ꞌet khuntsul ndus de whutsꞌun oonat tube kwun ulhtus-i diznukw.

Acts 9:3 Iomraidhean Croise

Acts 22:6

“ꞋEt ꞌoh whuya usyalh whe ꞌuhooja, ꞌawet Damascus whenghun dzetniz atꞌen khuntsul ndus de kwun ulhtus-i hadanat, ꞌinkꞌez snat núdiznat.

Acts 9:17

ꞋInka Ananias whuz whenya ꞌinkꞌez yoh danínya whe Saul yekꞌédilni ꞌinkꞌez ndutni, “Saul, sulhutsin neMoodihti sutílhꞌaꞌ, Jesus dichꞌoh, ndiz ínyalh whe ti nye nghun be hóodiltsai-un, ꞌen sutílhꞌaꞌ honꞌen naoondleꞌ ꞌinkꞌez Ndoni nyudóoltsꞌit ha.”

Acts 9:27

ꞋEt hoontsꞌi Barnabas yughu ninya ꞌinkꞌez yula ꞌuja whe whelꞌaꞌne butsꞌú yoolhti ꞌinkꞌez la ubudániꞌ dája whe Saul ti uyalh whe neMoodihti inꞌen ꞌinkꞌez yulh yaílhduk cha ꞌuja. ꞋInkꞌez ubúlhni datꞌen whe ꞌaw lhníljut whe Damascus whutꞌenne Jesus booziꞌ gha bubulh yálhduk.

1 Corinthians 15:8

ꞋInkꞌez ꞌudekꞌez, si cha, ꞌaw ꞌoh whuya whudizulh whe whúzusdli iloh, ꞌet hoontsꞌi snalhtsꞌet hainya.

1 Corinthians 9:1

ꞋEt ꞌalhaꞌ lakw si whelꞌaꞌ-un usdli? ꞋEt ꞌalhaꞌ lakw ndai Yakꞌusda ba ꞌutisꞌelh-i, ꞌi tsꞌiyawh stlꞌa honꞌai? ꞋEt ꞌalhaꞌ lakw neMoodihti Jesus Christ ꞌusꞌen? ꞋEt ꞌalhaꞌ lakw ndi ꞌutꞌen neMoodihti ꞌen ba ꞌusꞌen-i, ꞌi be buba ꞌalha ꞌuhoontꞌohne suhliꞌ?

1 Timothy 6:16

ꞋAw ꞌen za be dalhtsꞌutsa-i yutꞌi. Ndet usda-un, ꞌet ndi ootsꞌu ha yanduz-i, ꞌaw dune yuzih neooyaꞌ ꞌaitꞌoh. ꞋAw dune lhuyisꞌen ꞌinkꞌez ꞌaw dune yooꞌenne hooloh. ꞋAw ꞌen za ꞌilhiz be hoolhtus-i yutꞌi. ꞋEt huwa uzdilhtiꞌ. ꞋEt ndo honeh.

Revelation 21:23

ꞋAw ꞌulhdzis oozaꞌ cha ꞌinkꞌez dzenis oozaꞌ cha ꞌaw nyo keyoh ooka lheꞌwhunízun Yakꞌusda ootsꞌu ha yánduz-i, ꞌi be hootꞌen. ꞋInkꞌez ꞌusbaiyaz ꞌen whuniz be hootꞌen.

Revelation 22:5

ꞋInkꞌez ꞌulhdzis cha hootáloh. ꞋAw be hootꞌen-i kꞌus sa be hootꞌen-i cha hiyit ꞌutitꞌelh. NeMoodihti Yakꞌusda ootsꞌu ha yánduz-i, ꞌi ooniz ꞌuwhutátꞌelh ꞌet huwa. ꞋInkꞌez ꞌilhiz ꞌinkꞌez ꞌilhiz wheni huyulh dútatiꞌ.