Acts 9:2 - Yak'usda Ooghuni

² ꞌinkꞌez yoodulhkut keyoh Damascus huwhutni tsꞌe Lizwif bulugliz whulubretne duba butsꞌó kꞌehooꞌooges butsꞌu húkwaꞌ ꞌutni, ndunne Jesus kꞌunꞌa ꞌuninzunne tsꞌiyawh dune ꞌinkꞌez tsꞌekoo cha ꞌabule, ꞌinkꞌez Jerusalem tsꞌe nabutoolaꞌ ha ꞌet wheni.

Acts 9:2 Iomraidhean Croise

Genesis 14:15

ꞋEnne tsꞌiyawh lhkꞌebanla ꞌinkꞌez ꞌulhdzis whe yuba ꞌutꞌenne tubulh ndunne bubulh whelhonigan Hobah whutsꞌun whenabonanyoot Damascus whano ꞌet ꞌuhoontꞌoh.

Matthew 10:17

Whulohne dune buchꞌa khohleꞌ. Lizwif nahiyilhne bubut nenóhotalelh. ꞋInkꞌez Lizwif lugliz whambez tsꞌe ꞌet nohohóotalhtsus.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

Acts 18:25

Ndun dune ꞌen neMoodihti be ꞌutꞌen kꞌoh huwun hodilꞌeꞌ, ꞌinka la soo howu daóoditꞌoh whe Jesus ghun tsꞌihꞌun unꞌa yalhduk ꞌinkꞌez whubodulhꞌeh. ꞋEt hoontsꞌi ndet la John dune too be ꞌulhꞌen-un too be ꞌúlya inleꞌ ꞌet za tꞌéoonínzun whe ꞌutni.

Acts 19:23

ꞋEt ꞌoh daꞌ atꞌen Ephesus njan ntsꞌenꞌa la neMoodihti be ꞌutꞌen kꞌoh ꞌet huwun tube lhdulhyoh ꞌuhudutni suliꞌ.

Acts 19:9

ꞋEt hoontsꞌi whulohne bubeni dútsꞌo whe ꞌaw buba ꞌalhaꞌ lheꞌhóotꞌoh ꞌinkꞌez neMoodihti be ꞌutꞌen kꞌoh ꞌet ꞌilhozdílne toh whuchꞌaz yáhulhduk. ꞋEt ꞌinka Paul mbene la Jesus Christ yugha hodulꞌehne ubílhchoot ꞌinkꞌez bugho whenája. ꞋInkꞌez Tyrannus dune hodulhꞌeh bayoh whuzꞌai ꞌet dzin totsuk Yakꞌusda ghun whubunulhtun.

Acts 24:14

ꞋEt njan nyudúsni Jesus kꞌunꞌa ꞌuninzunne ꞌet whuz unꞌa si cha netso whudilhdzulhne buYakꞌusda ootsꞌun teni nusdzun. ꞋInkꞌez Moses ooghuni ꞌukꞌu nusguz-i ꞌinkꞌez Yakꞌusda be nus hóoꞌenne ꞌukꞌu nuhúyuzguz-i cha sba ꞌalhaꞌ ꞌuntꞌoh.

Acts 24:22

ꞋEt Felix ndai la Jesus kꞌunꞌa ꞌuntꞌoh-i ghun soo tꞌeóoninzun. ꞋEt Paul yuba nahooyeh hukwa lheꞌnízun ꞌinka ubúlhni, “Kꞌat le lhuganne moodih Lysias whusaínya de la mba nahoosyeh.”

Acts 26:10

Jerusalem ꞌet ndustꞌen inleꞌ, lubret ꞌukꞌenus díztiꞌne stlꞌa háhonꞌai whe lhane Yakꞌusda oochꞌeꞌne ꞌabisdla ꞌinkꞌez yahitádla wheni buba nahisda whe, si cha buchꞌaz dasniꞌ.

Acts 26:12

“Njan ꞌet wheni lubret ꞌukꞌenus díztiꞌne stlꞌa hóhonꞌai ꞌinka Damascus tsꞌe tísya,

Acts 6:9

ꞋEt hoontsꞌi whulohne dune hichꞌaz nédindil Lizwifne Cyrenia ꞌinkꞌez Alexandria tsꞌu haíndilne, ꞌenne ꞌuhintꞌoh. ꞋEnne, ꞌet ꞌulhna unlíne oola naditníne ꞌilhoghun lugliz ꞌet whehúhoozi ꞌet ꞌilhuhozdil. ꞋUyoonne Cilicia ꞌinkꞌez Asia tsꞌu haíndilne, ꞌenne cha Stephen hidulhyoh ꞌutni.

Acts 7:19

Neduneꞌne bubéꞌ whulhtsꞌit ꞌinkꞌez netsodaꞌne dzoh nubulhdeh whe buchalhtsꞌulne tébuholelh yahódlah ha.

Acts 9:14

ꞋInkꞌez ndiz Damascus tsꞌe oozya lubret moodihne mbene la ooba ꞌalha ꞌuhoontꞌoh ilhchootne ꞌinkꞌez nyooziꞌ be yalhduk, tsꞌiyawh ꞌaboolelh ha higha óoninꞌai.”

Acts 9:21

Mbene la yuditsꞌóne tsꞌiyawh buba hooncha ꞌinkꞌez ꞌulhodutni, “Ndun dune Jerusalem ꞌet ndi yooziꞌ be yalhdukne, ꞌenne ubughan ꞌen ꞌuntꞌoh ꞌinkꞌez ꞌet huwa za ndiz oozya ndunne ubitálhchulh ꞌinkꞌez lubret moodihne tsꞌu nábutilelh ꞌet wheni.”

2 Corinthians 11:32

ꞋEt lerwe Aretas huyulhni-un, ookeyoh Damascus, ꞌet humoodih-un dune, ꞌen setálhchulh hukwaꞌ huwunli.

Galatians 1:17

ndo Jerusalem tsꞌe hoontsꞌi lhtúsyal whe ndunne, mbene la stso whelꞌaꞌ unline, ꞌenne bubulh yalhusdih. ꞋEt hoontsꞌi yun kꞌut Arabia tsꞌe whesya. ꞋEt hukwꞌelhꞌaz doo cha za keyoh Damascus tsꞌe naoozúsja.