Acts 8:3 - Yak'usda Ooghuni

³ ꞋEt hoontsꞌi Saul, ꞌen Jesus Christ gha ꞌilhozdílne gak hubutilhtselh hukwaꞌ ninzun. Yoh totsuk dune cha, tsꞌekoo cha tébugus ꞌinkꞌez ꞌabule.

Acts 8:3 Iomraidhean Croise

Acts 16:19

ꞋInkꞌez ndunne tsꞌeke oomoodihne tꞌehonanzin ndet whe la sooniya ꞌuhulhꞌen-un, ꞌetsul ꞌuhooja, ꞌinka Paul Silas bulh hubuhúzgooh ꞌinkꞌez hubaꞌ hoontꞌoh-un, ꞌet keyoh moodihne bubut nébahunilhti.

Acts 22:19

ꞋInkꞌez ꞌudusni, ‘NeMoodihti, soo cho tꞌehonínzun lugliz totsuk whe mbe la nyun ooba ꞌalhaꞌ ꞌuntꞌohne tsꞌiyawh ubuschuk ꞌinkꞌez dzoh nubusdzut inleꞌ.

Acts 7:58

whe la Jerusalem tenáhinino, ꞌinkꞌez tse be whehúyoonilhꞌuz. ꞋEt mbene Stephen neínulhꞌuzne nahuyitsꞌúz-i tsꞌahaháyilya ꞌet dune chilh, Saul huyúlhni-un, ꞌen zih néhininla yugholeꞌ ha.

Acts 8:2

Whulohne soo Yakꞌusda tsꞌun téninilhzunne Stephen ꞌuhuyalhti tube oogha budzi únduda ꞌinkꞌez hutso.

Acts 9:21

Mbene la yuditsꞌóne tsꞌiyawh buba hooncha ꞌinkꞌez ꞌulhodutni, “Ndun dune Jerusalem ꞌet ndi yooziꞌ be yalhdukne, ꞌenne ubughan ꞌen ꞌuntꞌoh ꞌinkꞌez ꞌet huwa za ndiz oozya ndunne ubitálhchulh ꞌinkꞌez lubret moodihne tsꞌu nábutilelh ꞌet wheni.”

1 Corinthians 15:9

Whelꞌaꞌne butoh si ꞌukꞌenus bukꞌeꞌi ꞌustꞌoh naꞌdunúsdzun. ꞋEt Yakꞌusda ba ꞌilhunaoodulhne, ꞌenne dzoh nubusdeh inleꞌ, ꞌet huwa ꞌaw whélꞌaꞌ-un sodutánelh-un ꞌet huba soo lheꞌuzdzooꞌ.

Galatians 1:13

ꞋEt whutsꞌo daꞌ si lizwifne bube ꞌutꞌen kꞌoh huwasna inleꞌ, ꞌet tsꞌiyawh whulh ꞌudahtsꞌo. Yakꞌusda ba ꞌilhunaoodulhne, ꞌenne tube dzoh nubusdeh ꞌinkꞌez musai ubooselh hukwa ꞌustꞌen inleꞌ.

Philippians 3:6

Tube hoolhtus whe ꞌustꞌen. ꞋInkꞌez Yakꞌusda ba ꞌilhunaoodulhne, ꞌenne dzoh nubusdeh inleꞌ. ꞋInkꞌez dune Moses be ꞌudustlꞌus be tsꞌihꞌun ꞌuntꞌoh-un tileh de ꞌet huwa ꞌaw whe skꞌehóotaltsꞌulh-un hootáloh whe ꞌustꞌoh.

1 Timothy 1:13

Niz de ha oodanzut Yakꞌusda chꞌaz dasni ꞌinkꞌez ooba ꞌalha ꞌuhoontꞌohne, dzoh nubuzusde. Tsꞌiyanne ba dzoh ꞌudusni inleꞌ. ꞋEt hoontsꞌi ꞌaw tꞌeoonuzuszun-un, sba ꞌalhaꞌ lheꞌhootꞌoh ꞌet huwa ꞌistꞌen, ꞌet hoontsꞌi sgha teꞌduninzin.

James 2:6

ꞋEt ndun telꞌen-un nohghu ninya whe ootsꞌeꞌ dudalhtiꞌ. ꞋEt hoontsꞌi hoonzoo ꞌuntꞌohne, hoontsiꞌ hukwꞌunꞌa nunéꞌnohuhulhꞌen. ꞋAhoolhyiz nahíyilh-un but nenóhohugus.